Пайвандҳои дастрасӣ

Хабари нав

Роҳбари Кумитаи тадорукоти Олимпиадаи Токио тарафдори баргузории бозиҳо бо тамошобинон аст


Акс аз бойгонӣ.

Бозиҳои тобистонаи олимпӣ ва паралимпӣ дар Токио, сарфи назар аз вазъи пандемияи коронавирус, бояд дар ҳузури тамошобинон дар минбарҳо баргузор шавад. Дар ин бора роҳбари кумитаи тадорукоти Бозиҳо Сейко Ҳашимото дар мусоҳиба бо рӯзномаҳои ҷопонии "Асахи" ва "Ёмиури" хабар дод.

"Вақте ки ман дар бораи сенарияи бидуни тамошобинон фикр мекунам, дар ҳоле ки онҳо ба мусобиқаҳои дигар роҳ дода мешаванд, пас, ба андешаи ман, варзишгарон албатта тасаввуроте пайдо хоҳанд кард, ки чаро танҳо Олимпиада ва Паралимпиада бояд бидуни тамошобинон баргузор шавад", - гуфт ӯ.

Ҳамзамон Ҳашимото рӯшан кард, ки чунин вариант пешниҳод карда намешавад, аммо, ба ақидаи вай, зарур аст, ки чораҳои зидди паҳншавии коронавирус андешида шавад.

"То он даме ки нигарониҳо дар бораи вуруди хориҷиён ва бори вазнини системи тиббии кишвар ҳал нашавад, рейтинги тасдиқи мо боло нахоҳад рафт. Аввалин коре, ки бояд кард, алайҳи коронавирус чораандешӣ кардан аст", - гуфт ӯ.

Рӯзи 3-юми март бояд мулоқоти роҳбарияти Кумитаи байналмилалии олимпӣ (КБО), Кумитаи байналмилалии паралимпӣ (IPC), намояндагони ҳукумати Ҷопон, маъмурияти Токио ва кумитаи тадорукоти Бозиҳо баргузор шавад, ки дар шакли видеоӣ сурат мегирад. Интизор меравад, ки дар ҷараёни он имкони қабули тамошобинон ба мусобиқа дар доираи Олимпиадаи тобистона дар Токио баррасӣ шавад.

Шарҳҳо

Шарҳи нав расид
Идома
XS
SM
MD
LG