Пайвандҳои дастрасӣ

Хабари нав

Ҷоми ФФТ-2021: нимфинал - "Истиқлол" – “Регар-ТадАЗ”, "Хатлон" - "Равшан"


Ҷуфтҳои ширкаткунандаи даври ниманиҳоии Ҷоми ФФТ (Федератсияи футболи Тоҷикистон)-2021 аз рӯи натиҷагирии бозиҳои даври севуми марҳилаи ниҳоии мусобиқа, ки 15-уми феврал дар варзишгоҳҳои марказии шаҳрҳои Душанбе ва Ҳисор доир гардиданд, муайян шуданд.

Ба иттилои дафтари матбуоти Федератсияи футболи Тоҷикистон, дар гурӯҳи “А” дастаи «Истиқлол»-и Душанбе бо 9 имтиёз мақоми аввалро касб кард. “Истиқлол” дар даври севум бар «Равшан»-и Кӯлоб бо ҳисоби 4:0 пирӯз шуд. “Равшан” бо 6 имтиёз ҷойи дувумро соҳиб гашт. Ҳарду даста ба нимфинал роҳ ёфтанд.

Дар гурӯҳи “Б” дастаи “Хатлон”-и Бохтар, ки бо 6 имтиёз ғолиб шуд, ба нимфинал роҳ пайдо кард. Иштироккунандаи чаҳоруми даври ниманиҳоӣ дар бозии даври севуми марҳилаи ниҳоии Ҷоми ФФТ миёни дастаҳои «Барқчӣ»-и Ҳисор ва «Регар-ТадАЗ»-и Турсунзода маълум шуд. Барои ба нимфинал баромадан «Регар-ТадАЗ»-ро натиҷаи мусовӣ қаноатманд мекард, вале ба «Барқчӣ» танҳо ғалаба зарур буд. Бозии охирин бо пирӯзии “Регар-ТадАЗ” бо ҳисоби 2:1 ба анҷом расид ва футболбозони шаҳри Турсунзода ба нимфинал баромаданд.

Ҳамин тариқ, дар даври ниманиҳоии Ҷоми ФФТ-2021 рӯзи чоршанбе, 17-уми феврал, «Истиқлол» бо «Регар-ТадАЗ» ва «Хатлон» бо «Равшан» рақобат хоҳанд кард.

Бояд тазаккур дод, Ҷоми ФФТ аз соли 2012 бори даҳум сурат гирифтааст. Ҳамагӣ чаҳор даста ин Ҷомро ба даст овардааст. “Истиқлол”-и Душанбе панҷ бор, «Регар-ТадАЗ»-и Турсунзода ду бор, “Хайр”-и Ваҳдат ва “Кӯктош”-и Рӯдакӣ якборӣ барандаи Ҷоми ФФТ гардидаанд.

Ҷоми ФФТ-2021

Марҳилаи ниҳоӣ

Гурӯҳи «А». Даври 3-юм

«Мастчоҳ» – ССКА – 2:3

Голҳо: Салоҳиддин Одиназода, 28 (1:0). Муҳсин Рустамзода, 50 (2:0). Шодибек Ғаффоров, 61 (2:1). Ҷонибек Шарипов, 90 (2:2). Комрони Мирзохон, 90+2 (2:3).

Беҳтарин бозигари дидор: Ҷонибек Шарипов (ССКА).

«Равшан» – «Истиқлол» – 0:4

Голҳо: Салам Ашурмамадов, 64 (0:1). Алишер Ҷалилов, 67 (0:2). Салам Ашурмамадов, 75 (0:3). Рустам Соиров, 90+2 (0:4).

Беҳтарин бозигари дидор: Салам Ашурмамадов («Истиқлол»).

Мавқеи дастаҳо дар гурӯҳи “А”

Ҷ

ДАСТАҲО

Б

Ғ

М

Б

Т

И

1

«Истиқлол» (Душанбе)

3

3

0

0

12-1

9

2

«Равшан» (Кӯлоб)

3

2

0

1

7-7

6

3

ССКА (Душанбе)

3

1

0

2

4-6

3

4

«Мастчоҳ» (Мастчоҳ)

3

0

0

3

5-14

0

Гурӯҳи «Б». Даври 3-юм

«Барқчӣ» – «Регар-ТадАЗ» – 1:2

Голҳо: Ҳикматулло Расулов, 26 (0:1). Ҳикматулло Расулов, 38 (0:2). Абдулло Шарипов, 82 (1:2).

Беҳтарин бозигари дидор: Ҳикматулло Расулов («Регар-ТадАЗ»).

Мавқеи дастаҳо дар гурӯҳи “Б”

Ҷ

ДАСТАҲО

Б

Ғ

М

Б

Т

И

1

«Хатлон» (Бохтар)

2

2

0

0

6-0

6

2

«Регар-ТадАЗ» (Турсунзода)

2

1

0

1

2-2

3

3

«Барқчӣ» (Ҳисор)

2

0

0

2

1-7

0

Нимфинал

17-уми феврал (чоршанбе)

11:00 – «Хатлон» – «Равшан». Душанбе, Варзишгоҳи марказӣ

15:00 – «Истиқлол» – «Регар-ТадАЗ». Душанбе, Варзишгоҳи марказӣ

20-уми феврал (шанбе)

Бозӣ барои ҷойи сеюм

Финал

Шарҳҳо

Шарҳи нав расид
Идома
XS
SM
MD
LG