Пайвандҳои дастрасӣ

Хабари нав

Мунтахаби наврасони Тоҷикистон дастаи Қазоқистонро бо ҳисоби бузург шикаст дод


Дастаи мунтахаби наврасони Тоҷикистон (U-17) дар нахустин бозиаш дар мусобиқаи байналмилалии "Ҷоми рушд-2021”, ки 31-уми январ дар Мински Беларус баргузор шуд, бар тими Қазоқистон бо ҳисоби бузурги 7:1 пирӯз шуд.

Голҳои мунтахаби Тоҷикистонро Абдулфаттоҳ Худойдодзода, Меҳрубон Каримов, Алиҷони Айнӣ, Хусрав Тоиров, Хуршед Давлатзода, Шаҳриёри Иноятулло ва Асадбек Ҷӯрабекзода ба самар расониданд.

Дар "Ҷоми Рушд-2021" чаҳор дастаи наврасон – Белорус, Қазоқистон, Молдова ва Тоҷикистон, ки аз ҳисоби футболбозони соли таваллудашон на болотар аз 2004 иборатанд, ширкат меварзад.

Футболбозони навраси тоҷик бо раҳбарии сармураббӣ Аҳлиддин Турдиев бозиҳои навбатиро бо ҳамсолонашон аз Молдова (3-юми феврал) ва Белорус (6-уми феврал) анҷом хоҳанд дод.

Мусобиқаи анъанавии зимистона дар толори футболи Минск аз рӯи системи даврӣ дар як давра баргузор мешавад. Дастаи ғолиб аз рӯи шумораи бештари имтиёзҳои бадастоварда маълум хоҳад шуд.

Ёдовар мешавем, дастаи мунтахаби наврасони то 16-солаи футболи Тоҷикистон соли гузашта ба финали «Ҷоми рушд-2020» роҳ ёфта буд. Футболбозони навраси тоҷик, ки дар бозии ниҳоӣ дар Минск аз мунтахаби наврасони Беларус (U-17) аз рӯи силсилаи пеналтӣ бо ҳисоби 4:5 (замони асосӣ – 2:2) мағлуб шуданд, барои ҷойи дувум бо медалҳои нуқра сарфароз гаштанд.

Мусобиқаи байналмилалии Ҷоми рушд-2021 дар Минск

Даври 1-ум

31-уми январ (якшанбе)

Қазоқистон (U-17) – Тоҷикистон (U-17) – 1:7

Голҳо: Абдулфаттоҳ Худойдодзода, 32 (0:1). Меҳрубон Каримов, 54 (0:2). Алиҷони Айнӣ, 60 (0:3). Хусрав Тоиров, 66 (0:4). Никита Губарев, 71 (1:4). Хуршед Давлатзода, 80 (1:5). Шаҳриёри Иноятулло, 84 (1:6). Асадбек Ҷӯрабекзода, 89 (1:7).

31-уми январ. Минск. Толори футбол.

Белорус – Молдова – 0:2

Даври 2-юм

3-юми феврал (чоршанбе)
14:00. Тоҷикистон – Молдова
17:30. Белорус – Қазоқистон

Даври 3-юм

6-уми феврал (шанбе)
14:00. Молдова – Қазоқистон
17:30. Белорус – Тоҷикистон

Эзоҳ: оғози бозиҳо бо вақти Душанбе.

Шарҳҳо

Шарҳи нав расид
Идома
XS
SM
MD
LG