Пайвандҳои дастрасӣ

Хабари нав

FIFA аз ҳуқуқи модаронаи занони бозигар ҳимоят мекунад


Акс аз бойгонӣ.

Федератсияи байналмилалии футбол (FIFA) тасмим гирифтааст, ки ба футболбоззанони ҳомила ғамхорӣ зоҳир намояд. Дар ин бора Оҷонсии иттилоотии Associated Press хабар медиҳад.

Ба иттилои манбаъ, FIFA ба бошгоҳҳо рӯйхати талаботҳоеро пешниҳод кардааст, ки ҳуқуқи модаронаи занони бозигарро ҳимоя мекунад.

Тибқи талаботҳo дастаҳо вазифадор мешаванд ба варзишгарзанон ҳадди аққал 14 ҳафта рухсатии ҳомиладорӣ диҳанд, ки он бояд ба андозаи аз се ду ҳиссаи музди меҳнати футболбоззан пардохта шавад. Ғайр аз ин, бошгоҳ бояд барои бозгашти модари ҷавон ба варзиш шароит фароҳам орад ва ба ӯ ёрии тиббӣ расонад.

FIFA қайд кард, ки қоидаи нав ҳамчун як қадами муҳим дар самти касбигардонии футболи занона ва эҳтиром ба ҳаёти оилавии бозигарон арзёбӣ мешавад.

Интизор меравад, ки навовариҳо аз ҷониби шӯрои FIFA моҳи декабр тасдиқ карда, аз 1-уми январи соли 2021 эътибор пайдо мекунанд.

Шарҳҳо

Шарҳи нав расид
Идома
XS
SM
MD
LG