Нашрияи Goal феҳристи беҳтарин футболбозони ҷаҳонро дар соли 2020 тартиб дод. Ҳамлагари бошгоҳи "Бавария"-и Мюнхени Олмон Роберт Левандовски беҳтарин бозигари сол дониста шуд.
Дар ин феҳрист ҷойи дувумро нимҳимоятгари дастаи "Манчестер Сити"-и Англия Кевин Де Брюйне ишғол кард. Ҷойи севумро ҳамлагари тими "Барселона"-и Испания Лионел Месси касб намуд.
Неймари бразилӣ аз дастаи “Пари Сен-Жермен” (ПСЖ)-и Фаронса дар ҷойи чаҳорум ва Криштиану Роналдуи португалӣ аз тими “Ювентус”-и Италия дар ҷойи 5-ум қарор доранд.
Пернилла Ҳардери даниягӣ, ки дар бошгоҳи «Челси»-и Англия бозӣ мекунад, дар байни занон беҳтарин дониста шуд. Ҷойи дувум насиби намояндаи Ҳолланд Вивианна Мидема аз тими “Арсенал”-и Англия) гардид. Ҷои севумро Люсия Бронзи англис аз бошгоҳи “Манчестер Сити» ишғол кард.
Даҳгонаи беҳтарин футболбозони ҷаҳон миёни мардон ба назари нашрияи Goal:
1. Роберт Левандовски (Полша, «Бавария» Мюнхен);
2. Кевин Де Брюйне (Белгия, «Манчестер Сити»);
3. Лионел Месси (Аргентина, “Барселона”);
4. Неймар (Бразилия, ПСЖ);
5. Криштиану Роналду (Португалия, “Ювентус”);
6. Килиан Мбаппе (Фаронса, ПСЖ);
7. Вирҷил Ван Дейк (Нидерланд, «Ливерпул»);
8. Карим Бензема (Фаронса, «Реал Мадрид»);
9. Томас Мюллер (Олмон, «Бавария» Мюнхен);
10. Садио Мане (Сенегал, “Ливерпул”).