Бохти дувуми "Равшан" дар мусобиқаи Лигаи аввали футболи Тоҷикистон

сентябр 09, 2020

Нарзуллоҳи Латиф

Дар даври сездаҳуми мусобиқаи Лигаи аввали футболи Тоҷикистон, ки рӯзҳои 5-6-уми сентябр баргузор шуд, мизбонон дар се бозӣ ва меҳмонон дар ду дидор ғолиб шуданд, як бозӣ бо натиҷаи мусовӣ хотима ёфт.

Пешсафи мусобиқа - дастаи “Равшан”-и Кӯлоб - дар даври сездаҳум дар меҳмонӣ аз “Барқчӣ”-и Ҳисор бо ҳисоби 1:2 мағлуб шуд. Ин дувумин бохти “Равшан” дар мусобиқаи имсола мебошад. Бо вуҷуди бохт “Равшан”, ки дар 13 бозӣ 33 имтиёз гирифтааст, мавқеашро дар зинаи аввал нигоҳ дошт.

“Эсхата”-и Хуҷанд бо 28 имтиёз дар ҷойи дувум қарор дорад. Хуҷандиҳо дар бозии даври гузашта дар меҳмонӣ бар “Саройкамар”-и Панҷ бо ҳисоби 3:1 пирӯз шуданд.

“Панҷшер”-и Ҷалолиддини Балхӣ, ки 20 имтиёз дорад, дар ҷадвали мусобиқа мақоми севумро касб намудааст. “Панҷшер” бозии даври сездаҳумро бо дастаи мизбон - “Ҳулбук”-и ноҳияи Восеъ бо ҳисоби мусовии 1:1 анҷом дод.

Натоиҷи се бозии дигари даври сездаҳум чунин аст: «Шоҳмансур» (Душанбе) – «Равшан» (Зафаробод) – 1:4, «Ваҳдат» (Ваҳдат) – «Исфара» (Исфара) – 5:1, «Моҳир» (Ёвон) – «Ҳосилот» (Фархор) – 1:0.

Бозиҳои даври чордаҳуми мусобиқаи Лигаи аввали футболи Тоҷикистон рӯзҳои 10-11-уми сентябр баргузор мешаванд.

Мусобиқаи лигаи аввали футболи Тоҷикистон. Даври 13-ум

«Шоҳмансур» – «Равшан» (Зафаробод) – 1:4

Голҳо: Азимҷон Мавлонов, 13 (0:1). Бахтиёр Зарипов, 16 (0:2). Бахтиёр Зарипов, 42 (0:3). Умедҷон Давлатбеков, 64 (0:4). Фирӯз Абдулқосимов, 74 (1:4).

Беҳтарин бозигари дидор: Бахтиёр Зарипов («Равшан»).

«Ваҳдат» – «Исфара» – 5:1

Голҳо: Суҳроб Асоев, 3 (1:0). Муҳсин Қосимов, 16 (2:0). Фирӯз Раҳматов, 22 (3:0). Нодирбек Мамиров, 36 (3:1). Фирдавсӣ Файззода, 47 (4:1). Далер Ризоев, 85 (5:1).

Беҳтарин бозигари дидор: Суҳроб Асоев («Ваҳдат»).

«Ҳулбук» – «Панҷшер» – 1:1

Голҳо: Абдухалил Боронов, 17 (0:1). Аваз Камчинов, 36 (1:1).

Беҳтарин бозигари дидор: Аваз Камчинов («Ҳулбук»).

«Саройкамар» – «Эсхата» – 1:3

Голҳо: Ҷӯрабой Исоев, 30 (0:1). Акмалҷон Авазов, 40 (1:1). Боҳирҷон Сангинбоев, 66 (1:2). Ҷӯрабой Исоев, 72 (1:3).

Беҳтарин бозигари дидор: Ҷӯрабой Исоев («Эсхата»).

«Моҳир» – «Ҳосилот» – 1:0

Гол: Алишер Куганов, 72.

Беҳтарин бозигари дидор: Алишер Куганов («Моҳир»).

«Барқчӣ» – «Равшан» (Кӯлоб) – 2:1

Голҳо: Наврӯз Рустамов, 2 (0:1). Умедҷон Рамазонов, 61 (1:1). Ҳамзаҷон Аҳтамов, 86 (2:1).

Беҳтарин бозигари дидор: Умедҷон Рамазонов («Барқчӣ»).

Мавқеи дастаҳо дар ҷадвали мусобиқа

Ҷ	ДАСТАҲО	Б	Ғ	М	Б	Т	И
1	«Равшан» (Кӯлоб)	13	11	0	2	52-26	33
2	«Эсхата» (Хуҷанд)	13	9	1	3	35-23	28
3	«Панҷшер» (Ҷалолиддини Балхӣ)	13	5	5	3	25-15	20
4	«Исфара» (Исфара)	13	6	1	6	21-25	19
5	«Ваҳдат» (Ваҳдат)	13	5	4	4	37-26	19
6	«Равшан» (Зафаробод)	13	5	4	4	26-18	19
7	«Ҳулбук» (Восеъ)	13	5	3	5	24-23	18
8	«Моҳир» (Ёвон)	13	5	2	6	30-40	17
9	«Ҳосилот» (Фархор)	13	5	2	6	24-23	17
10	«Саройкамар» (Панҷ)	13	4	3	6	25-30	15
11	«Барқчӣ» (Ҳисор)	13	4	1	8	23-27	13
12	«Шоҳмансур» (Душанбе)	13	0	2	11	9-55	2

Нишонзанҳо: Аваз Камчинов («Ҳулбук») – 18 тӯб, Мубинҷон Муъминов («Эсхата») – 13 тӯб, Баҳровар Ҳалимов («Моҳир») – 12 тӯб, Акмалҷон Авазов («Саройкамар») – 9 тӯб, Сафаралӣ Каримов («Равшан») – 8 тӯб.

Даври 14-ум

10-уми сентябр (панҷшанбе)

Оғози бозиҳо – соати 16:30

«Равшан» (Зафаробод) – «Равшан» (Кӯлоб)

«Эсхата» – «Моҳир»

«Исфара» – «Ҳулбук»

11-уми сентябр (ҷумъа)

Оғози бозиҳо – соати 16:30

«Ҳосилот» – «Барқчӣ»

«Панҷшер» – «Саройкамар»

«Шоҳмансур» – «Ваҳдат»