Се дастаи пешсаф барои медалҳои қаҳрамонии Тоҷикистон миёни занон талош дорад

август 28, 2020

Нарзуллоҳи Латиф

Натоиҷи бозиҳои даврҳои 13-ум ва 14-уми мусобиқаи қаҳрамонии футболи Тоҷикистон миёни дастаҳои занона ба мавқеи пешсафон дар ҷадвал тағйирот ворид накард.

Дастаҳои пешсаф - «Хатлон» (Бохтар), «Зебонисо» (Душанбе) ва «Зебо» (Дӯстӣ), ки дар ҳарду даври ахир шашимтиёзӣ ба даст оварданд, муборизаро барои медалҳо идома медиҳанд.

“Хатлон” дар даври 13-ум дар меҳмонӣ “Чашма”-и Шаҳритусро бо ҳисоби 18:0 ва дар даври 14-ум дар майдони худ “Панҷшер”-и Ҷалолиддини Балхиро бо ҳисоби 10:0 шикаст дод.

“Зебонисо” дар даври 13-ум дар меҳмонӣ “Барқ”-и Норакро бо ҳисоби 15:0 ва дар даври 14-ум дар майдони худ “Равшан”-и Кӯлобро бо ҳисоби 16:0 мағлуб кард.

“Зебо” дар даври 13-ум дар майдони худ бар “Ҳосилот”-и Фархор бо ҳисоби 19:0 ва дар даври 14-ум дар меҳмонӣ бар “Чашма”-и Шаҳритус бо ҳисоби 20:0 ғолиб омад.

Дар рӯйхати нишонзанҳои беҳтарини мусобиқа Лайло Ҳалимова («Хатлон»), ки ба дарвозаи ҳарифонаш 70 тӯб задааст, дар ҷойи аввал мебошад.

Бозиҳои даври понздаҳуми мусобиқа рӯзи якшанбе, 30-юми август, баргузор мешаванд.

Мусобиқаи қаҳрамонии Тоҷикистон миёни дастаҳои занона

Даври 13-ум

«Чашма» – «Хатлон» – 0:18

«Зебо» – «Ҳосилот» – 19:0

«Барқ» – «Зебонисо» – 0:15

«Равшан» – «Бешкент» – 0:3

Даври 14-ум

«Хатлон» – «Панҷшер» – 10:0

«Бешкент» – «Регар-ТадАЗ» – 0:3

«Зебонисо» – «Равшан» – 16:0

«Ҳосилот» – «Барқ» – 0:0

«Чашма» – «Зебо» – 0:20

Мавқеи дастаҳо дар ҷадвали мусобиқа

Ҷ	ДАСТАҲО	Б	Ғ	М	Б	Т	И
1	«Хатлон» (Бохтар)	14	13	1	0	119-5	40
2	«Зебонисо» (Душанбе)	14	12	1	1	148-3	37
3	«Зебо» (Дӯстӣ)	14	11	2	1	109-10	35
4	«Регар-ТадАЗ» (Турсунзода)	13	8	1	4	59-12	25
5	«Бешкент» (Носири Хусрав)	14	8	1	5	58-18	25
6	«Барқ» (Норак)	14	3	2	9	7-87	11
7	«Ҳосилот» (Фархор)	14	3	2	9	7-92	11
8	«Равшан» (Кӯлоб)	14	2	0	12	3-75	6
9	«Чашма» (Шаҳритус)	14	2	0	12	9-132	6
10	«Панҷшер» (Ҷалолиддини Балхӣ)	13	1	2	10	12-97	5