"Муҳоҷир" ба чорякфинали Ҷоми футзали Тоҷикистон роҳ ёфт

Дастаи «Муҳоҷир»-и Душанбе, ки рӯзи 25-уми август дар марҳилаи муқаддамотӣ дар меҳмонӣ тими «Доро-Инвест» -и Хуҷандро бо ҳисоби 8:5 шикаст дод, ба чорякфинали Ҷоми Тоҷикистон оид ба футзал роҳ пайдо кард.

Ҳамакнун “Муҳоҷир” дар даври чорякниҳоӣ дар майдони худ бо “Сипар”-и Хуҷанд, ки дар мусобиқаи Лигаи касбии футзали Тоҷикистон пешсаф аст, рақобат мекунад.

Бозиҳои дигари чорякниҳоӣ миёни дастаҳои «Иттифоқ» (Душанбе) – «Соро компания» (Душанбе), «Истаравшан» (Истаравшан) – «Формула-55» (Душанбе) ва «Самандар» (Турсунзода) – «Равшан» (Кӯлоб) барпо мегардад.

Ба иттилои Лигаи футзали Тоҷикистон, ҳар як марҳилаи мусобиқаи имсола барои Ҷоми миллӣ (марҳилаи муқаддамотӣ, 1/4 ва 1/2 финал) аз як бозӣ иборат аст.

Бозиҳои чорякниҳоӣ 28-уми август, бозиҳои ниманиҳоӣ 9-уми сентябр доир мешаванд. Бозии ниҳоии Ҷоми Тоҷикистон-2020 рӯзи 12-уми сентябр дар маҷмааи варзишии «Қасри варзиш»-и Хуҷанд барпо мегардад.

Ҷоми Тоҷикистон -2020 оид ба футзал

Марҳилаи муқаддамотӣ

25 август (сешанбе)

«Доро Инвест» (Хуҷанд) – «Муҳоҷир» (Душанбе) – 5:8

Голҳо: Амирҷон Иброҳимов, 3 (1:0). Умед Мирзораҳимов, 5 (2:0). Самандар Ризомов, 6 (2:1). Хуршеди Зайниддин, 7 (2:2). Самандар Ризомов, 8 (2:3). Нусратшо Исмоилов, 8 (2:4). Бахтиёр Солиев, 9 (2:5). Баҳодур Ашрапов, 11 – ба дарвозаи худ (2:6). Амирҷон Иброҳимов, 13 (3:6). Хайём Дарвешов, 21 (3:7). Самандар Ризомов, 35 (3:8). Исмоилҷон Муъминов, 37 (4:8). Баҳодур Ашрапов, 39 (5:8).

Беҳтарин бозигари дидор: Самандар Ризомов («Муҳоҷир»).

25 август. Гулистон. Маҷмааи варзишии «Шоҳин».

Чорякфинал

28 август (ҷумъа)

16:00 – «Самандар» (Турсунзода) – «Равшан» (Кӯлоб). Турсунзода, маҷмааи варзишии «Самандар-XXI»

16:00 – «Муҳоҷир» (Душанбе) – «Сипар» (Хуҷанд). Душанбе, маҷмааи варзишии Кумитаи андози ҶТ

16:00 – «Истаравшан» (Истаравшан) – «Формула-55» (Душанбе). Истаравшан, маҷмааи варзишии «Далерон»

18:00 – «Иттифоқ» (Душанбе) – «Соро компания» (Душанбе). Душанбе, маҷмааи варзишии Кумитаи андози ҶТ