Лигаи футболи Тоҷикистон ба тақвими бозиҳо тағйирот ворид кард ва бозиҳои даврҳои 14-ум ва 15-уми қаҳрамонии кишвар миёни дастаҳои лигаи олиро ба моҳи сентябр гузаронд.
Ба муҳлати дигар гузарондани бозиҳои ду даври қаҳрамонии Тоҷикистон ба омодагии дастаи мунтахаби миллии кишвар ба бозии дӯстона бо мунтахаби Узбекистон, ки 3-юми сентябр дар Тошканд доир мегардад, бастагӣ дорад.
Бозиҳои даври 14-уми Лигаи олӣ миёни дастаҳои «Файзканд» – ССКА, «Душанбе-83» – «Хатлон», «Хуҷанд» – «Истаравшан», «Истиқлол» – «Регар-ТадАЗ» ва «Локомотив-Помир» – «Кӯктош», ки бояд 28-29-уми август баргузор мешуданд, рӯзҳои 7, 8 ва 11-уми сентябр барпо мегарданд.
Бозиҳои даври 15-уми қаҳрамонии Тоҷикистон миёни дастаҳои «Истаравшан» – «Файзканд», «Хатлон» – «Локомотив-Помир», «Регар-ТадАЗ» – «Хуҷанд», «Кӯктош» – «Истиқлол» ва ССКА – «Душанбе-83», ки 31-уми август ва 1-уми сентябр ба нақша гирифта шуда буд, рӯзҳои 29-30-юми сентябр доир мегарданд.
Лигаи футболи Тоҷикистон, инчунин санаҳои бозиҳои чорякфинали Ҷоми Тоҷикистонро тасдиқ кард. Бозиҳои «Равшан» – «Истиқлол», «Эсхата» – «Хатлон», «Локомотив-Помир» – «Регар-ТадАЗ» ва «Истаравшан» – «Кӯктош» рӯзҳои 13-ум ва 15-уми сентябр баргузор мешаванд.
Мусобиқаи қаҳрамонии Тоҷикистон. Лигаи олӣ. Даври 14-ум
7 сентябр (душанбе)
Оғози бозиҳо – соати 16:00
«Файзканд» – ССКА
«Душанбе-83» – «Хатлон»
8 сентябр (сешанбе)
Оғози бозиҳо – соати 16:00
«Истиқлол» – «Регар-ТадАЗ»
«Хуҷанд» – «Истаравшан»
11 сентябр (ҷумъа)
Оғози бозиҳо – соати 16:00
«Локомотив-Помир» – «Кӯктош»
Ҷоми Тоҷикистон
Чорякфинал
13 сентябр (якшанбе)
Оғози бозиҳо – соати 16:00
«Равшан» (Кӯлоб) – «Истиқлол»
«Эсхата» – «Хатлон»
15 сентябр (сешанбе)
Оғози бозиҳо – соати 16:00
«Локомотив-Помир» – «Регар-ТадАЗ»
«Истаравшан» – «Кӯктош»
Мусобиқаи қаҳрамонии Тоҷикистон. Лигаи олӣ. Даври 15-ум
29 сентябр (сешанбе)
Оғози бозиҳо – соати 16:00
«Истаравшан» – «Файзканд»
30 сентябр (чоршанбе)
Оғози бозиҳо – соати 16:00
«Регар-ТадАЗ» – «Хуҷанд»
«Кӯктош» – «Истиқлол»
«Хатлон» – «Локомотив-Помир»
ССКА – «Душанбе-83»
