Пайвандҳои дастрасӣ

Хабари нав

Роналду аввалин миллиардер дар таърихи футбол хоҳад шуд


Ҳамлагари "Ювентус"-и Италия Криштиану Роналду

Ҳамлагари "Ювентус"-и Италия Криштиану Роналду дар ин мавсим аввалин бозигар дар таърихи футбол хоҳад шуд, ки дар тамоми карйераи худ як миллиард доллар ба даст овардааст. Дар ин бора football-fun.ru хабар додааст.

Ба иттилои манбаъ, Роналду барои гирифтани маоши баланд, шартномаҳои сарпарастӣ ва тиҷорати муваффақ ба ин нишондиҳанда ноил шуда метавонад.

Тиҷорати португалӣ ба пешбурди бренди CR7 бастагӣ дорад. Дар қатори дигар чизҳо, ҳамлагар либос, рӯпуш, атриёт истеҳсол мекунад ва инчунин соҳиби як қатор меҳмонхонаҳост.

Футболбозону мураббиёни «Ювентус» аз музди меҳнат дар моҳҳои март - июн даст кашиданд, то ба бошгоҳ дар амри бӯҳрони молиявӣ дар ҳолатҳои пандемияи коронавирус кӯмак расонанд. Тадбирҳо ба португалӣ таъсир расонданд, аммо ҳатто ин ба вай монеа шуда наметавонад, ки ба 1 миллиард доллар бирасад.

Соли 2019 Криштиану Роналду дар ҳаҷми тақрибан 100 миллион евро бойтар шудааст. Ин мавсим барои ӯ дар фаъолияти касбиаш 18-ум ба шумор меравад.

Дар тӯли мавсими гузашта танҳо як бозигар - капитани «Барселона» Лионел Месси - нисбат ба португалӣ бештар даромад кардааст.

Танҳо се варзишгар дар тамоми фаъолияташон дар ҳаҷми 1 миллиард доллар даромад кардаанд. Инҳо голфбоз Тайгер Вудс, муштзан Флойд Мейвезери хурдӣ ва баскетболбоз Майкл Ҷордан мебошанд.

Тибқи иттилоъи Business Insider, имсол Роҷер Федерер ба гурӯҳи миллиардерҳои варзишгарони касбӣ шомил хоҳад шуд. Швейтсариягӣ нахустин теннисбозе мешавад, ки ба ин ҳудуд мерасад.

Корбарони азиз!

Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

Шарҳҳо

Шарҳи нав расид
Идома
XS
SM
MD
LG