Пайвандҳои дастрасӣ

Хабари нав

Бозиҳои марҳилаи гурӯҳии Ҷоми AFC-2020 шуруъ шуд


Бозиҳои Ҷоми AFC. Акс аз бойгонӣ.

Бозиҳои марҳилаи гурӯҳии Ҷоми Конфедератсияи футболи Осиё (AFC)-2020 дар шаш гурӯҳ - «А», «В», «C», «F», «G», «H» - шуруъ шуд.

Бошгоҳи «Ал-Аҳд»-и Лубнон, барандаи феълии Ҷоми AFC, дар майдони худ бар дастаи «Ҳилол Ал-Қудс»-и Фаластин бо ҳисоби 2:1 ғолиб омад. Бозии дигари даври аввали гурӯҳи «А» миёни бошгоҳи «Ал-Ҷайш»-и Сурия ва «Манама»-и Баҳрайн бо ҳисоби мусовии 0:0 хотима ёфт.

Ҷоми АFC-2020

Даври 1-ум

Гурӯҳи «А»

«Ал-Аҳд» (Лубнон) – «Ҳилол Ал-Қудс» (Фаластин) – 2:1

«Ал-Ҷайш» (Сурия) - «Манама» (Баҳрайн) – 0:0

Гурӯҳи «В»

«Кувайт» (Кувайт) – «Ал-Ансор» (Лубнон) – 1:0

«Ал-Файсалӣ» (Урдун) – «Ал-Ватбаҳ» (Сурия) – 0:0

Гурӯҳи «С»

«Ал-Риффа» (Баҳрайн) – «Ал-Қудсия» (Кувайт) – 1:2

«Зуфор Клаб» (Умон) – «Ал-Ҷазира» (Урдун) – 1:0

Гурӯҳи «F»

«Янгон Юнайтед» (Мянмар) – «Ҳошимин Сити» (Ветнам) – 2:2

«Лао Тойота» (Лаос) – «Ҳёган Юнайтед» (Сингапур) – 1:3

Гурӯҳи «G»

«Серес Негрос» (Филиппин) – «Свайриенг» (Камбоҷа) – 4:0

«Балӣ Юнайтед» (Индонезия) – «Куангнин» (Ветнам) – 4:1

Гурӯҳи «H»

«Шан Юнайтед» (Мянмар) – «Кая» (Филиппин) – 0:2

«Тэмпайнс» (Сингапур) – «ПСМ Макассар» (Индонезия) – 2:1

Бозиҳои даври аввали марҳилаи гурӯҳии Ҷоми AFC-2020 дар гурӯҳҳои «D» ва «Е» 11-уми март ва дар гурӯҳи «I» 6-уми май баргузор мешаванд.

Дастаи Истиқлол»-и Душанбе, қаҳрамони Тоҷикистон, дар марҳилаи гурӯҳии Ҷоми AFC-2020 дар гурӯҳи “D” бо бошгоҳҳои “Олтин Асир”-и Туркманистон, “Дордой”-и Қирғизистон ва ғолиби плей-офф миёни дастаҳои “Нефтчӣ”-и Қирғизистон ва “Хуҷанд”-и Хуҷанд рақобат мекунад.

Бозии аввали плей-оффи Ҷоми AFC-2020 миёни “Нефтчӣ” ва “Хуҷанд” 19-уми феврал дар варзишгоҳи “Қурмонбек”-и Ҷалолобод ва бозии ҷавобӣ 26-уми феврал дар Варзишгоҳи марказии Душанбе баргузор мешаванд.

Корбарони азиз!

Ҳангоми навиштани шарҳ, лутфан, аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти бардурӯғанд ва ё гурӯҳеро таблиғ мекунанд, нашр карда намешаванд!

Шарҳҳоро бинед

Шарҳҳо

Шарҳи нав расид
Идома
XS
SM
MD
LG