Дастаи мунтахаби Эрон баъди чаҳор пирӯзӣ бо касби 12 имтиёз дар қаҳрамонии CAFA (Ассотсиатсияи футболи Осиёи Марказӣ)-2020 оид ба футзал миёни духтарони то 19-сола, ки дар шаҳри Душанбе ҷараён дорад, пешакӣ ғолиб шуд.
Тими мунтахаби Эрон, ки пас аз се пирӯзӣ бар дастаҳои Тоҷикистон (15:0), Афғонистон (16:1) ва Туркманистон (12:0), дар даври чаҳорум рӯзи 28-уми январ мунтахаби Узбекистонро бо ҳисоби 7:1 шикаст дод, бо касби 12 имтиёз дар ҷадвали мусобиқа дар мақоми аввал қарор гирифт.
Мунтахаби Узбекистон, ки дар се бозии пешин бар тимҳои Туркманистон (4:1), Қирғизистон (7:4) ва Афғонистон (3:0) ғолиб омада буд, бо касби 9 имтиёз ҷойи дувумро ишғол мекунад.
Дастаи мунтахаби Тоҷикистон баъди се бохти пайиҳам дар қаҳрамонии CAFA аз тимҳои Эрон (0:15), Туркманистон (2:3) ва Қирғизистон (0:2), дар даври чаҳорум бозиро бо мунтахаби Афғонистон бо ҳисоби мусовии 3:3 анҷом дод.
Дар бозии дигари даври чаҳорум мунтахаби Туркманистон бар дастаи Қирғизистон бо ҳисоби 2:1 ғолиб омад. Дастаҳои Туркманистон ва Қирғизистон бо касби 6-имтиёзӣ мутаносибан ҷойҳои севуму чаҳорумро соҳиб шудаанд. Дастаҳои Тоҷикистону Афғонистон бо якимтиёзӣ дар зинаҳои панҷуму шашум ҷойгир шудаанд.
Қаҳрамонии CAFA-2020 оид ба футзал миёни духтарони то 19-сола бо иштироки дастаҳои мунтахаби Тоҷикистон, Эрон, Узбекистон, Қирғизистон, Туркманистон ва Афғонистон, ки дар Душанбе, дар маҷмааи варзишии Кумитаи андози Тоҷикистон баргузор шудааст, имрӯз, 29-уми январ, бо бозиҳои даври панҷум ба поён мерасад.
Қаҳрамонии CAFA-2020 оид ба футзал миёни духтарони то 19-сола
Даври 1-ум
Эрон – Тоҷикистон – 15:0
Қирғизистон – Афғонистон – 3:0
Узбекистон – Туркманистон – 4:1
Даври 2-юм
Тоҷикистон – Туркманистон – 2:3
Эрон – Афғонистон – 16:1
Узбекистон – Қирғизистон – 7:4
Даври 3-юм
Тоҷикистон – Қирғизистон – 0:2
Туркманистон – Эрон – 0:12
Афғонистон – Узбекистон – 0:3
Даври 4-ум
Қирғизистон – Туркманистон – 1:2
Афғонистон – Тоҷикистон – 3:3
Узбекистон – Эрон – 1:7
Мавқеи дастаҳо дар ҷадвали мусобиқа
Ҷ |
ДАСТАҲО |
Б |
Ғ |
М |
Б |
Т |
И |
1 |
Эрон |
4 |
4 |
0 |
0 |
50-2 |
12 |
2 |
Узбекистон |
4 |
3 |
0 |
1 |
15-12 |
9 |
3 |
Туркманистон |
4 |
2 |
0 |
2 |
6-19 |
6 |
4 |
Қирғизистон |
4 |
2 |
0 |
2 |
10-9 |
6 |
5 |
Тоҷикистон |
4 |
0 |
1 |
3 |
5-23 |
1 |
6 |
Афғонистон |
4 |
0 |
1 |
3 |
4-25 |
1 |
Даври 5-ум
29-уми январ (чоршанбе)
12:00 – Туркманистон – Афғонистон
15:00 – Тоҷикистон – Узбекистон
18:00 – Эрон – Қирғизистон
Онхоро Сталин не, балки раисони "ланг"-и хамонвактаи точики худамон "душмани халк" хисобиданд! Барои мансаб, вазифа, рашк, хасад ва гайраю гайра.... Афсус, Сталин душманони асоси халкро нест карда натавонист.
Агар зинда мемонд чизе рушан мешуд, мисли казияи муовини вазири мудофиа Назарзода бисёр сирхо ин даъва низ зери хок рафтанд. Вале то кай?
Россия
Душанбе монополия. Дар казокистон орда бо сомони 170 сомони мешавад.вакте шар номарди шид байни давать бояд то точикистон нархи як линга орда 170 сомони бошад.дар кучо аст инсоф .дар боли як линга орда 170 сомони дигар зам мешавад.аз худо тарсед.
Душанбе