Пайвандҳои дастрасӣ

Хабари нав

Омодагии "Истиқлол" ва "Хуҷанд" ба мусобиқоти AFC-2020


Бошгоҳҳои футболи “Истиқлол”-и Душанбе ва “Хуҷанд”-и шаҳри Хуҷанд ба мусобиқоти Конфедератсиони футболи Осиё (AFC)-2020 омодагӣ мебинанд.

«Истиқлол», қаҳрамони Тоҷикистон, бо раҳбарии иҷрокунандаи вазифаи сармураббии даста Алишер Тухтаев пас аз таътили солинавӣ имрӯз, 3-юми январ, ба ҷамъомади таълимиву тамринӣ шуруъ кард. Машғулиятҳо дар Варзишгоҳи марказии Душанбе доир шудааст.

«Истиқлол» дар марҳилаи пешакии Лигаи қаҳрамонҳои AFC (Конфедератсиони футболи Осиё)-2020 бо ноиб-қаҳрамони Узбекистон - «Локомотив»-и Тошканд - рақобат мекунад. Ин бозӣ 21-уми январ дар шаҳри Тошканд баргузор мешавад.

Дар мавриди пирӯзӣ бар «Локомотив» қаҳрамони Тоҷикистон дар даври плей-оффи Лигаи қаҳрамонҳои AFC-2020 рӯзи 28-уми январ дар меҳмонӣ бо бошгоҳи «Ал-Аҳлӣ» аз Арабистони Саудӣ барои ба марҳилаи гурӯҳии мусобиқа роҳ пайдо кардан талош меварзад.

Агар «Истиқлол» ба марҳилаи гурӯҳии Лигаи қаҳрамонҳои AFC-2020 роҳ пайдо кунад, онгоҳ ҷоизадори биринҷии қаҳрамонии Тоҷикистон - «Регар-ТадАЗ»-и Турсунзода - дар марҳилаи гурӯҳии Ҷоми AFC-2020 иштирок хоҳад кард.

“Хуҷанд”, ҷоизадори нуқраи қаҳрамонии футболи Тоҷикистон, бо раҳбарии сармураббии нави даста Никола Лазаревич, мутахассиси 41-солаи сербиягӣ, ба бозиҳои плей-оффи Ҷоми AFC-2020 дар шаҳри Хуҷанд омодагӣ мебинад.

«Хуҷанд» дар плей-офф бо ғолиби бозии даври пешакӣ «Нефтчӣ»-и Қирғизистон ва «Аҳал»-и Туркманистон рақобат мекунад. Бозиҳои даври пешакии Ҷоми AFC-2020 бо ширкати «Нефтчӣ» ва «Аҳал» рӯзҳои 5-ум ва 12-уми феврал доир мегарданд.

«Хуҷанд» аввалин бозиашро дар доираи плей-оффи Ҷоми АFC-2020 рӯзи 19-уми феврал дар сафар ва бозии ҷавобиро 26-уми феврал дар майдони худ анҷом медиҳад. Дар мавриди пирӯзӣ «Хуҷанд» ба ҳаққи ширкат дар марҳилаи гурӯҳии ин мусобиқаи қитъавӣ мушарраф хоҳад шуд.

Марҳилаи гурӯҳии Ҷоми АFC-2020 дар минтақаи Марказӣ 10-уми март шуруъ шуда, 16-уми июн ба анҷом мерасад. Ба марҳилаи баъдии мусобиқа танҳо ғолиби гурӯҳ роҳ пайдо мекунад. Баъди анҷоми марҳилаи гурӯҳӣ нимфинал ва финали байниминтақавӣ, баъдан бозии асосӣ – ниҳоӣ доир мегардад.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG