Пайвандҳои дастрасӣ

Хабари нав

Қаҳрамонии ҷаҳон-2022: Натоиҷи бозиҳои даври шашуми рақобатҳо дар қораи Осиё


Рӯзи 19-уми ноябр 16 бозии даври шашуми марҳилаи интихобии қаҳрамонии футболи ҷаҳон-2022 дар қораи Осиё дар ҳамаи ҳашт гурӯҳ доир гардид. Дар 7 бозӣ мизбонон ва дар 5 дидор меҳмонон ғолиб омаданд, 4 бозӣ мусовӣ шуд.

Ҳисоби аз ҳама бузург дар даври шашум дар бозии гурӯҳи В миёни тимҳои миллии Урдун ва Тайбейи Чин ба назар расид. Мизбонон - футболбозони мунтахаби Урдун - ба дарвозаи меҳмонон панҷ голи беҷавоб заданд.

Марҳилаи интихобии қаҳрамонии ҷаҳон-2022, даври 6-ум, 19-уми ноябр:

Гурӯҳи А:

Чин, Сурия, Филиппин, Молдив, Гуам

Гуам - Молдив - 0:1

Филиппин - Сурия - 2:5

Дар ин гурӯҳ Сурия, ки дар ҳамаи панҷ бозӣ пирӯз шудааст, бо 15 имтиёз пешсаф аст. Чин ва Филиппин бо 7-имтиёзӣ мутаносибан дар ҷойҳои дувуму севум қарор доранд. Молдив бо 6 имтиёз дар ҷойи чаҳорум мебошад. Гуам бидуни имтиёз дар зинаи охирин – панҷум – ҷойгир шудааст.

Гурӯҳи В:

Австралия, Урдун, Тайбэйи Чин, Кувайт, Непал

Непал - Кувайт - 0:1

Урдун – Тайбэйи Чин - 5:0

Дар ин гурӯҳ Австралия бо 12 имтиёз дар ҷойи аввал аст. Кувайт ва Урдун бо 10-имтиёзӣ мутаносибан ҷойҳои дувуму севумро ишғол кардаанд. Непал бо 3 имтиёз дар ҷойи чаҳорум мебошад. Тайбейи Чин бидуни имтиёз дар ҷойгоҳи охирин қарор дорад.

Гурӯҳи С:

Эрон, Ироқ, Баҳрайн, Ҳонконг, Камбоҷа

Ҳонконг - Камбоҷа - 2:0

Ироқ - Баҳрайн - 0:0

Дар ин гурӯҳ Ироқ бо 11 имтиёз пешқадам аст. Баҳрайн бо 9 имтиёз мақоми дувумро касб намудааст. Эрон бо 6 имтиёз мақоми севумро азони худ намудааст. Ҳонконг бо 5 имтиёз дар зинаи чаҳорум ва Камбоҷа бо як имтиёз дар зинаи панҷум ҷойгир шудаанд.

Гурӯҳи D:

Арабистони Саудӣ, Узбекистон, Фаластин, Яман, Сингапур

Узбекистон - Фаластин - 2:0

Яман - Сингапур - 1:2

Дар ин гурӯҳ Узбекистон бо 9 имтиёз аз 5 бозӣ пешсаф шуд. Арабистони Саудӣ, ки 4 бозӣ кардааст, бо 8 имтиёз дар ҷойи дувум мебошад. Сингапур бо 7 имтиёз дар ҷойи севум аст. Яман бо 5 имтиёз дар зинаҳои чаҳорум ва Фаластин бо 4 имтиёз дар зинаи панҷум ҷойгир шудаанд.

Гурӯҳи E:

Қатар, Умон, Ҳиндустон, Афғонистон, Бангладеш

Афғонистон - Қатар - 0:1

Умон - Ҳиндустон - 1:0

Дар ин гурӯҳ Қатар, қаҳрамони феълии Осиё, бо 13 имтиёз мақоми аввалро касб намудааст. Умон бо 12 имтиёз дар ҷойи дувум аст. Афғонистон бо 4 имтиёз дар ҷойгоҳи севум мебошад. Ҳиндустон бо 3 имтиёз дар зинаи чаҳорум ва Бангладеш бо як имтиёз дар ҷойгоҳи панҷум қарор доранд.

Гурӯҳи F:

Ҷопон, Қирғизистон, Тоҷикистон, Мянмар, Муғулистон

Мянмар - Муғулистон - 1:0

Қирғизистон - Тоҷикистон - 1:1

Дар ин гурӯҳ Ҷопон бо 12 имтиёз пашсаф аст. Қирғизистон ва Тоҷикистон бо 7-имтиёзӣ мутаносибан дар зинаҳои дувуму севум қарор доранд. Мянмар бо 6 имтиёз зинаи чаҳорум ва Муғулистон бо 3 имтиёз зинаи панҷумро ишғол кардаанд.

Гурӯҳи G:

Имороти Муттаҳидаи Арабӣ, Ветнам, Тайланд, Малайзия, Индонезия

Ветнам - Тайланд - 0:0

Малайзия - Индонезия - 2:0

Дар ин гурӯҳ Ветнам бо 11 имтиёз ҷойи аввалро азони худ кардааст. Малайзия бо 9 имтиёз дар ҷойи дувум аст. Тайланд бо 8 имтиёз ҷойи севум ва Иморот бо 6 имтиёз ҷойи чаҳорумро ишғол намудаанд. Индонезия, ки дар ҳамаи панҷ бозӣ шикаст хӯрдааст, бидуни имтиёз дар зинаи охирин қарор дорад.

Гурӯҳи H:

Кореяи Ҷанубӣ, Лубнон, Кореяи Шимолӣ, Туркманистон, Шри-Ланка

Туркманистон - Шри-Ланка - 2:0

Лубнон – Кореяи Шимолӣ - 0:0

Дар ин гурӯҳ Туркманистон бо 9 имтиёз аз 5 бозӣ пешсаф шуд. Кореяи Ҷанубӣ (4 бозӣ), инчунин Лубнон ва Кореяи Шимолӣ (5 бозӣ) бо 8-имтиёзӣ мутаносибан дар ҷойҳои дувум, севум ва чаҳорум қарор доранд. Шри-Ланка бидуни имтиёз дар зинаи охирин – панҷум – ҷойгир шудааст.

Бояд тазаккур дод, дар марҳилаи дувуми интихобии қаҳрамонии ҷаҳон-2022 оид ба футбол 40 даста ширкат дорад, ки ба 8 гурӯҳи иборат аз панҷдастаӣ тақсим шудааст.

Марҳилаи интихобӣ, ки 5-уми сентябри имсол шуруъ шуд, 9-уми июни соли 2020 ба поён мерасад. Дар марҳилаи дувум ҳар як даста ҳашт бозӣ анҷом медиҳад. 8 ғолиби гурӯҳ ва 4 дастаи нишондодҳояш хубтари ҷойҳои дувум ба марҳилаи севуми интихобии қаҳрамонии ҷаҳон-2022 дар Қатар роҳ пайдо мекунанд, инчунин соҳиби роҳхатҳо ба Ҷоми Осиё-2023 мешаванд.

Шарҳҳоро бинед

Шарҳҳо

Шарҳи нав расид
Идома
XS
SM
MD
LG