Пайвандҳои дастрасӣ

Хабари нав

Ҳашт дастаи мунтахаб дар чорякфинали қаҳрамонии ҷаҳон миёни наврасон (U-17)


Ҳашт дастаи мунтахаби наврасон – Кореяи Ҷанубӣ, Нидерланд, Мексика, Испания, Бразилия, Фаронса, Италия ва Парагвай ба даври чорякниҳоии қаҳрамонии ҷаҳон-2019 миёни футболбозони то 17-сола, ки дар Бразилия ҷараён дорад, роҳ пайдо карданд.

Дар ҳаштякфинал Кореяи Ҷанубӣ бар Ангола бо ҳисоби 1:0, Нидерланд бар Нигерия бо ҳисоби 3:1, Мексика бар Ҷопон бо ҳисоби 2:0, Испания бар Сенегал бо ҳисоби 2:1, Бразилия бар Чили бо ҳисоби 3:2, Фаронса бар Австралия бо ҳисоби 4:0, Италия бар Эквадор бо ҳисоби 1:0 ва Парагвай бар Аргентина бо ҳисоби 3:2 пирӯз шуданд.

Ба ин тартиб, дар даври чорякниҳоӣ рӯзи якшанбеи 10-уми ноябр Нидерланд бо Парагвай ва Кореяи Ҷанубӣ бо Мексика, рӯзи душанбеи 11-уми ноябр Испания бо Фаронса ва Италия бо Бразилия рақобат мекунанд.

Ёдовар мешавем, дастаи мунтахаби наврасони Тоҷикистон, ки дар қаҳрамонии ҷаҳон-2019 миёни футболбозони то 17-сола дар Бразилия дар гурӯҳи “Е” бо се имтиёз дар ҷойи севум қарор гирифт, аз ҳаққи ширкат дар даври ҳаштякниҳоӣ маҳрум шуд.

Футболбозони навраси тоҷик бар мунтахаби наврасони Камерун бо ҳисоби 1:0 пирӯз шуда, аз дастаҳои Испания (1:5) ва Аргентина (1:3) шикаст хӯрданд.

Аз ин гурӯҳ дастаҳои мунтахаби Испания ва Аргентина ба ҳаштякфинал баромаданд. Испания, ки дар даври ҳаштякниҳоӣ Сенегалро шикаст дод, ҳамакнун дар чорякфинал бо Фаронса рақобат мекунад. Вале Аргентина, ки бозиро ба Парагвай бохт, аз идомаи мубориза барои медалҳои қаҳрамонии ҷаҳон-2019 маҳрум гашт.

Қаҳрамонии ҷаҳон-2019 миёни наврасон (U-17)

1/8 финал

5-уми ноябр (сешанбе)

Ангола – Кореяи Ҷанубӣ – 0:1

Нигерия – Нидерланд – 1:3

6-уми ноябр (чоршанбе)

Ҷопон – Мексика – 0:2

Испания – Сенегал – 2:1

Бразилия – Чили – 3:2

Фаронса – Австралия – 4:0

7-уми ноябр (панҷшанбе)

Эквадор – Италия – 0:1

Парагвай – Аргентина – 3:2

1/4 финал

10-уми ноябр (якшанбе)

00:30 Нидерланд - Парагвай

04:00 Кореяи Ҷанубӣ - Мексика

11-уми ноябр (душанбе)

00:30 Испания – Фаронса

04:00 Италия - Бразилия

Эзоҳ : Замони оғози бозиҳо -- бо вақти Душанбе.

Шарҳҳоро бинед

Назари хонандагон

Шарҳи нав расид
Идома
XS
SM
MD
LG