Дастаи мунтахаби миллии футзали Тоҷикистон дар аввалин бозиаш дар марҳилаи интихобии қаҳрамонии Осиё-2020 мунтахаби Непалро бо ҳисоби 6-0 шикаст дод. Футболбозони тоҷик дар ҳар як нимаи дидор сеголӣ ба самар расониданд.
Ин бозии дари аввал дар гурӯҳи “А” рӯзи чоршанбеи 23-юми октябр дар шаҳри Урмияи Эрон баргузор шуд. Рустам Ҳамидов ва Файзалӣ Сардоров дуголӣ, Умед Қузиев ва Парвиз Раҳматов якголӣ заданд.
Дар бозии дигари гурӯҳи “А” мунтахаби Узбекистон тими миллии Афғонистонро бо ҳисоби 6:2 мағлуб кард.
Ба ин тартиб, баъди натиҷагирии даври аввал дар гурӯҳи “А” дастаҳои мунтахаби Тоҷикистон ва Узбекистон бо сеимтиёзӣ пешсафанд. Бо дарназардошти таносуби беҳтари тӯбҳо мунтахаби Тоҷикистон дар ҷойи аввал ва мунтахаби Узбекистон дар ҷойи дувум қарор доранд.
Сармураббии мунтахаби футзали Тоҷикистон Деян Дедович, мутахассиси сербиягӣ, дар як нишасти хабарӣ дар Эрон гуфтааст, ки вазифаи мо ба марҳилаи ниҳоии мусобиқот роҳ пайдо кардан аст.
«Мо ба Эрон танҳо бо як мақсад омадаем – ба даст овардани роҳхат ба марҳилаи ниҳоии қаҳрамонии футзали Осиё, ки соли оянда дар Туркманистон баргузор мешавад. Аз он хушҳолем, ки дар аввалин дидор муқобили мунтахаби Непал пирӯз шудем. Бозии дувуми мо бо мунтахаби Афғонистон барпо мегардад. Дар даври охирини сабқати гурӯҳӣ муқобили мунтахаби Узбекистон бозӣ мекунем. Мо рақибонамонро хуб омӯхтаем ва дар ду бозии боқимонда низ мекӯшем, ки натиҷаҳои мусбат ба даст биёрем”, - гуфтааст Деян Дедович.
Дастаи мунтахаби футзали Тоҷикистон дар марҳилаи интихобии қаҳрамонии Осиё-2020 дар минтақаи муттаҳидаи Марказӣ ва Ҷанубӣ дар гурӯҳи "А" 24-уми октябр бо мунтахаби Афғонистон ва 25-уми октябр бо мунтахаби Узбекистон рақобат мекунад.
Ба гурӯҳи “В” дастаҳои мунтахаби Қирғизистон, Туркманистон ва Эрон шомиланд. Дар ин гурӯҳ се бозӣ - 23-юми октябр миёни дастаҳои мунтахаби Туркманистон ва Эрон, 24-уми октябр – Қирғизистон ва Туркманистон, 25-уми октябр Эрон ва Қирғизистон - доир мегардад.
Аз ҳар як гурӯҳи ин минтақа дудастаӣ ба қисми ниҳоии қаҳрамонии Осиё-2020, ки аз 24-уми феврал то 10-уми марти соли оянда дар Ишқободи Туркманистон доир мегардад, роҳхат мегиранд. Агар мунтахаби Туркманистон, ки ба гурӯҳи “В” дохил аст, яке аз ду ҷойи аввалро ишғол намояд, онгоҳ беҳтарин дастаи ҷойҳои севуми ин ду гурӯҳ ба марҳилаи ниҳоии қаҳрамонии Осиё-2020 роҳ пайдо мекунад.
Ба ҳайати мунтахаби футзали Тоҷикистон дар бозиҳои марҳилаи интихобии қаҳрамонии Осиё 14 футболбоз – 2 дарвозабон ва 12 бозигари майдонӣ - дохил аст.
Ҳайати дастаи мунтахаби миллии футзали Тоҷикистон:
Дарвозабонҳо: Фирӯз Бекмуродов, Муродулло Алиқулов (ҳарду аз «Соро компания»);
Бозигарони майдонӣ: Дилшод Саломов, Шавкат Ҳалимов, Парвиз Раҳматов, Иқбол Воситзода, Баҳодур Хоҷаев (ҳама аз «Сипар»), Раҳмоналӣ Шарипов, Муҳаммадҷон Шарипов, Файзалӣ Сардоров, Умед Қузиев, Собирҷон Гулаков (ҳама аз «Соро компания»), Қувватбек Равшанбеков («Помир»), Рустам Ҳамидов («Сан Сити», Қирғизистон).
Сармураббӣ – Деян Дедович (Сербия).
Марҳилаи интихобии қаҳрамонии Осиё-2020 оид ба футзал
Минтақаи муттаҳидаи Марказӣ ва Ҷанубӣ
Гурӯҳи «А»
Даври 1-ум
23 октябр (чоршанбе)
Тоҷикистон – Непал – 6:0
Узбекистон – Афғонистон – 6:2
Даври 2-юм
24 октябр (панҷшанбе)
14:30 – Афғонистон – Тоҷикистон
17:00 – Непал – Узбекистон
Даври 3-юм
25 октябр (ҷумъа)
14:30 – Непал – Афғонистон
17:00 – Узбекистон – Тоҷикистон
Эзоҳ: замони оғози бозиҳо – бо вақти Душанбе.
Кандтона занед ! пахта бойгарии милливу, матои пахтагтро аз Покистон мехарем.
Эй мардум ба хач равиро ба таьхир гузореду, барои ободии ватан , сагираю кабира, хамсояхои камбагал, мактабу богчахои кудакона кумак кунетон- ин аз сабоби хач маротибахо зиед аст! 👍🙏🏻
Правительство РТ не может организовать рейс для своих граждан?
Дар шарҳҳои маводи мазкур дар шабакаҳои иҷтимоӣ ва “Радиои Озодӣ” баъзан нафарони ноогоҳу ҳангомаҷӯ ҳодисаро ба маҳалгароӣ рабт дода, навиштаанд, ки гӯё Қодиров Зоҳирро латукӯб карда, баъд корд зада, аз ошёнаи сеюм партофтаанд. Намояндагони воситаҳои ахбори оммаро зарур аст, ки нахуст ҳодисаро санҷида, сипас паҳн намоянд, то мардумро бо ҳар гуна овозаҳои беасос сарсон накунанд. Дар асоси моддаи 6 - и Қонуни Ҷумҳурии Тоҷикистон «Дар бораи матбуоти даврӣ ва дигар воситаҳои ахбори омма» воситаҳои ахбори омма барои объективӣ будан ва саҳеҳии ахбори аз ҷониби онҳо паҳншаванда ҷавобгаранд. Мувофиқи моддаи 23 - и Конститутсияи Ҷумҳурии Тоҷикистон дар бораи ҳаёти шахсии инсон бе розигии ӯ ҷамъ намудан, нигоҳ доштан, истифода ва паҳн кардани маълумот манъ аст. Тибқи моддаи 29 - и Қонуни Ҷумҳурии Тоҷикистон «Дар бораи матбуоти даврӣ ва дигар воситаҳои ахбори омма» журналист уҳдадор аст, ки воситаҳои ахбори оммаро бо мақсади дахолат кардан ба ҳаёти шахсӣ, дидаву дониста нашр кардани хабару маводи бардурӯғ, маълумотҳои тӯҳмату таҳқиромез, ки шаъну шараф ва эътибори кории шахсони воқеӣ ва ҳуқуқиро паст мезананд, истифода набарад. Аз ҳамаи кормандони воситаҳои ахбори омма хоҳиш карда мешавад, ки вобаста ба ҳодисаи мазкур аз интишор ҳаргуна маводҳои беасос худдорӣ кунанд, зеро саломатии Қодиров З.Қ. хуб аст ва рӯзҳои наздик мақомотҳои ҳифзи ҳуқуқ ва худи устод воқеаи рухдодаро саҳеҳан шарҳ хоҳанд дод.
Изҳорот ба маводи “Радиои Озодӣ” таҳти унвони “Як шахси зери “карантин” дар Тоҷикистон бо захмҳои шадид бистарӣ шудааст” Роҳбарият ва кормандони Академияи идоракунии давлатии назди Президенти Ҷумҳурии Тоҷикистон маводи “Радиои Озодӣ”-ро таҳти унвони ““Як шахси зери “карантин” дар Тоҷикистон бо захмҳои шадид бистарӣ шудааст”-ро мавриди баррасӣ қарор дод. Дар мавод омадааст, ки гӯё як нафар корманди Академия Қодиров Зоҳир Қодирович, ки дар истироҳатгоҳе дар ноҳияи Варзоб давраи "карантин"-ро пушти сар мекард, бо захмҳои шадиди корд дар бемористон бистарӣ карда шудааст. Чи тавре маълум аст, имрӯзҳо ҷомеаи ҷаҳониро бемории сироятии Covid-19 ба ташвиш овардааст ва бо дарназардошти тавсияҳои Созмони умумиҷаҳонии тандурустӣ чанде пеш кормандони Академияи идоракунии давлатии назди Президенти Ҷумҳурии Тоҷикистон аз сафари хизматӣ аз Ҷумҳурии Федеративии Олмон баргаштанд, ба муҳлати 14 шабонарӯз ба карантин фиристонида шудаанд. Яке аз онҳо сардори шуъбаи илм, инноватсия Қодиров Зоҳир Қодирович низ дар карантин қарор дошт. Вобаста ба ҳодисаи бавуқӯъомада маълум менамоем, ки айни ҳол саломатии номбурда хуб буда, зери назорати доимии табибон қарор дорад. Роҳбарият ва аҳли кормандони Академия шабонарӯзӣ дар паҳлӯи падар ва наздикони бемор қарор доранд. Ҳамчунин, ҳодисаи мазкур аз ҷониби сохторҳои дахлдори давлатӣ пурра зери назорат қарор дорад. Бино бар гуфтаи хабарнигори “Радиои Озодӣ”, ҳодиса дар рӯзе иттифоқ афтодааст, ки гӯё чанде аз устодони Академия ба аёдати Қодиров Зоҳир ва кормандони дигари Академияи идоракунии давлатӣ, ки дар карантин қарор доштанд ба Варзоб рафта будаанд. Ба маълумоти Шумо мерасонем, ки устодону кормандони Академия шурӯъ аз 18 март пайваста ба аёдати ҳамкорон, ки дар истироҳатгоҳи “Барқчӣ”-и дараи Варзоб тибқи тавсияи Вазорати тандурустӣ ҷойгир шудаанд, мерафтанду танҳо аз масофаи дур якдигарро дида, тариқи телефонӣ суҳбат мекарданд. Чуноне ҳамагон медонанд, ба мавзеъҳое, ки шаҳрвандон ба карантин фаро гирифта шудаанд, танҳо вуруди кормандони Вазорати тандурустӣ ва табибон иҷозат дода шудаасту халос. Аз ин лиҳоз, вобаста кардани ҳодисаи мазкур бо вохӯрии ҳамкорони номбурда асос надорад. Қодиров Зоҳир Қодирович яке аз устодони пешсаф, хушрафтор ва масъулиятшинос буда, роҳбарият фаъолнокии ӯро ба назар гирифта, аз вазифаи дотсенти кафедра ба вазифаи сардори шуъбаи илм, инноватсияи Академия таъин ва бо манзили истиқоматии оилавӣ дар хобгоҳи Академия таъмин намуданд. Номбурда то ин дам бо касе аз ҳамкорону шогирдон оид ба ин ё он масъала муаммо надошт.