Мусобиқаи қаҳрамонии Тоҷикистон оид ба пойгаи мотосиклронӣ бахшида ба 25-умин солгарди Конститутсияи Ҷумҳурии Тоҷикистон рӯзи якшанбеи 27-уми октябр доир мегардад. Пойга дар маҳаллаи Меҳрободи ҷамоати Испечаки ноҳияи Рӯдакӣ соати 9-и субҳ оғоз меёбад. Ин мусобиқаро Кумитаи Марказии Ташкилоти мададгори мудофиаи Тоҷикистон баргузор менамояд.
Дар ин бора ба Радиои Озодӣ аз хадамоти матбуоти Кумитаи Марказии Ташкилоти мададгори мудофиаи Тоҷикистон рӯзи 23-юми октябр хабар доданд.
Ба иттилои ин манбаъ, дар пойгаи мотосиклронӣ дастаҳо аз шаҳрҳои Душанбе, Бохтар, Турсунзода, Леваканд, Ваҳдат, Кӯлоб, ноҳияҳои Ёвон, Фархор, Восеъ ва Абдураҳмони Ҷомӣ иштирок хоҳанд кард.
Интизор меравад, ки дар ин мусобиқа, инчунин мотосиклронҳо аз Узбекистон ширкат намоянд.
Пойга барои фатҳи марра байни мотосиклҳои ҳаҷми муҳаррикашон 125, 250, 350 ва 500 сантиметри мукааб сурат гирифта, варзишгарон бо мотосиклҳои замонавии истеҳсоли ширкатҳои маъруфи Ҳонда, Кавасаки, Судзуки ва Ямаҳа рақобат хоҳанд кард.
Бояд гуфт, ки ҳамасола дар машқгоҳҳои Ташкилоти мададгори мудофиаи Тоҷикистон, ки дар ноҳияи Рӯдакӣ ва шаҳри Леваканди вилояти Хатлон ҷойгиранд, мусобиқаҳои сатҳи ҷумҳуриявӣ оид ба пойгаи мотосиклронӣ доир карда мешаванд ва сол то сол теъдоди дастаҳои ширкаткунанда афзоиш меёбад.
Fолибон аз рӯи ҳисоби дастаӣ ва инфиродӣ бо ҷом, медалу диплом ва тӯҳфаҳои қиматбаҳо қадрдонӣ мешаванд.
Ба беном - ба гайр аз Озоди хаст ягон сайти дигар ки муаммохои кишварамонро натарсида нивисад. Хайр ба шумо лаганбардорон ин гапхо бефоида, ояндаи фарзандонатонро фикр намекунед.
Хеч кас ношшукри накардааст. Агар ин акс болкони хонаи шуморо мепушонд, бад мефахмиди масъалаи он одамонро. 1. Барои расм чои махсус хаст. 2. Ин як харчи зиёдати аст, агар тамоми расмхои дар кишвар дар 20 соли охир чоп шударо гирем, мумкин 10 завод сохтан мумкин буд дар чояшон.
Дуруст навиштанро ёд гир.
Арктики будагист на атланктики
Фамидӣ, фамидӣ, нафамидӣ нафам!