Пайвандҳои дастрасӣ

Хабари нав

Душанбе – макони баргузории марҳилаи интихобии қаҳрамонии Осиё (U-19)


Дастаи мунтахаби футболи Тоҷикистон дар марҳилаи интихобии қаҳрамонии Осиё-2020 миёни ҷавонони зери 19-сола дар гурӯҳи “С” бо тимҳои Сурия, Лубнон ва Молдив рақобат мекунад. Мусобиқаи ин гурӯҳ аз 2-юм то 6-уми октябр дар Варзишгоҳи марказии шаҳри Душанбе баргузор мешавад.

Мунтахаби ҷавонони Тоҷикистон (U-19) бо раҳбарии сармураббӣ Зайниддин Раҳимов 2-юми октябр бо Молдив, 4-уми октябр бо Лубнон ва 6-уми октябр бо Сурия рақобат мекунад. Ҳамаи бозиҳо бо ширкати футболбозони ҷавони тоҷик соати 19:00 шуруъ мешавад.

Дар марҳилаи интихобии қаҳрамонии Осиё-2020 миёни ҷавонони зери 19-сола 46 даста ширкат меварзад, ки тибқи қуръакашӣ ба 11 гурӯҳ тақсим шудааст. Дар минтақаи Ғарб 6 гурӯҳ, дар минтақаи Шарқ бошад, 5 гурӯҳ таъсис ёфтааст.

Аз рӯи натиҷагирии марҳилаи интихобӣ ғолибони 11 гурӯҳ, инчунин 4 дастаи беҳтарини ҷойҳои дувум ба қисми ниҳоии қаҳрамонии Осиё-2020 миёни ҷавонон роҳ пайдо мекунанд.

Макони баргузории марҳилаи ниҳоии қаҳрамонии Осиё-2020 миёни ҷавонони зери 19-сола ҳанӯз муайян нашудааст. Агар мизбони қаҳрамонии Осиё-2020 миёни ҷавонони зери 19-сола дар мусобиқоти интихобӣ дар гурӯҳи худ мақоми аввалро соҳиб шавад ва ё ба қатори чаҳор дастаи беҳтарини ҷойҳои дувум шомил гардад, онгоҳ дастаи панҷуми ҷойҳои дувум ба марҳилаи ниҳоии мусобиқот роҳ пайдо мекунад.

Таркиби гурӯҳҳои қаҳрамонии Осиё-2020 миёни дастаҳои мунтахаби ҷавонони зери 19-сола:

Минтақаи Ғарб

Гурӯҳи «А»: Ироқ (мизбон), Умон, Фаластин, Кувайт, Покистон.

Гурӯҳи «В»: Қатар (мизбон), Яман, Туркманистон, Шри-Ланка.

Гурӯҳи «С»: Тоҷикистон (мизбон), Сурия, Лубнон, Молдив.

Гурӯҳи «D»: Имороти Муттаҳидаи Арабӣ, Эрон (мизбон), Қирғизистон, Непал.

Гурӯҳи «Е»: Урдун, Баҳрайн (мизбон), Бангладеш, Бутан.

Гурӯҳи «F»: Арабистони Саудӣ (мизбон), Узбекистон, Ҳиндустон, Афғонистон.

Минтақаи Шарқ

Гурӯҳи «G»: Тайланд, Малайзия, Камбоҷа (мизбон), Бруней, Ҷазираҳои Мариани Шимолӣ.

Гурӯҳи «Н»: Австралия, Тайбэйи Чин (мизбон), Макао, Лаос.

Гурӯҳи «I»: Кореяи Ҷанубӣ, Чин, Мянмар (мизбон), Сингапур.

Гурӯҳи «J»: Ҷопон, Ветнам (мизбон), Муғулистон, Гуам.

Гурӯҳи «К»: Индонезия (мизбон), Кореяи Шимолӣ, Ҳонконг, Тимори Шарқӣ.

Мусобиқаи интихобии қаҳрамонии Осиё-2020 миёни дастаҳои мунтахаби ҷавонони зери 19-сола

Гурӯҳи «С»

Даври 1-ум

2-юми октябр (чоршанбе)

16:00 – Сурия – Лубнон

19:00 – Тоҷикистон – Молдив

Даври 2-юм

4-уми октябр (ҷумъа)

16:00 – Молдив – Сурия

19:00 – Лубнон – Тоҷикистон

Даври 3-юм

6-уми октябр (якшанбе)

16:00 – Лубнон – Молдив

19:00 – Тоҷикистон – Сурия

Шарҳҳо

Шарҳи нав расид
Идома
XS
SM
MD
LG