Пайвандҳои дастрасӣ

Хабари нав

Ширкати мунтахаби наврасони Тоҷикистон дар қаҳрамонии футболи Осиё


Акс аз ФФТ

Дастаи мунтахаби наврасони зери 16-солаи футболи Тоҷикистон (U-16) барои ширкат дар мусобиқоти интихобии қаҳрамонии Осиё-2020 дар гурӯҳи "А", ки аз 14-ум то 22-юми сентябр дар Урдун баргузор мешавад, ба Уммон расид.

Ба иттилои Федератсияи футболи Тоҷикистон, сармураббии дастаи мунтахаби наврасони кишвар Аҳлиддин Турдиев бо худ ба Уммон 23 бозигар – 3 дарвозабон, 8 ҳимоятгар, 8 нимҳимоятгар ва 4 ҳамлагар – овардааст.

Дастаи мунтахаби наврасони Тоҷикистон (U-16) дар мусобиқоти интихобии қаҳрамонии Осиё-2020 дар гурӯҳи "А" бо дастаҳои Урдун, Непал, Шри-Ланка ва Кувайт рақобат мекунад.

Футболбозони навраси тоҷик аввалин бозиашонро дар марҳилаи интихобӣ рӯзи душанбе, 16-уми сентябр, муқобили ҳамсолони худ аз Шри-Ланка анҷом медиҳанд. Ин бозӣ соати 19:00 ба вақти Душанбе шуруъ мешавад.

Дар марҳилаи интихобӣ 47 даста иштирок мекунад, ки бар асоси қуръакашӣ ба 11 гурӯҳ тақсим шудааст. Ба минтақаи Ғарб 6 гурӯҳ ва ба минтақаи Шарқ 5 гурӯҳ шомил аст.

Аз рӯи натиҷагирии марҳилаи интихобӣ ғолибони 11 гурӯҳ, инчунин 4 дастаи беҳтарини ҷойҳои дувум мувофиқи нишондодҳояшон ба қисми ниҳоии қаҳрамонии Осиё-2020 роҳ пайдо мекунанд.

Ҳайати мунтахаби наврасони Тоҷикистон (U-16) барои ширкат дар мусобиқоти интихобии қаҳрамонии Осиё-2020:

Дарвозабонҳо: Сафармад Ғаффоров, Суҳробхуҷа Юсупов (ҳарду аз Академияи футболи ФФТ), Шаҳобиддин Маҳмудзода («Соро компания»);

Ҳимоятгарон: Нурсултон Норбойзода, Шаҳриёри Иноятулло, Шаҳриёр Норов, Ҳукмиддин Шомуродов, Фахриддин Аҳтамов, Меҳрубони Абдурауф, Саидҷон Сафаров, Раҳматшо Раҳматзода (ҳама аз Академияи футболи ФФТ);

Нимҳимоятгарон: Қурбоналӣ Муродов, Аббос Андалебов, Хусрав Тоиров, Кабир Салимшоев, Меҳрубон Каримов, Алиҷони Айнӣ, Бежан Нишонбойзода, Муҷовид Шовайсуддинов (ҳама аз Академияи футболи ФФТ);

Ҳамлагарон: Суннатулло Азизов, Абдулфаттоҳи Худойдодзода, Хуршед Давлатзода (ҳарсе аз Академияи футболи ФФТ), Муҳаммадворис Саидалиев («Соро компания»);

Сармураббӣ – Аҳлиддин Турдиев.

Мусобиқоти интихобии қаҳрамонии Осиё-2020 миёни дастаҳои мунтахаби зери 16-сола

Гурӯҳи «А»

Даври 1-ум

14 сентябр (шанбе)

19:00 – Непал – Урдун

22:00 – Кувайт – Шри-Ланка

Даври 2-юм

16 сентябр (душанбе)

19:00 – Шри-Ланка – Тоҷикистон

22:00 – Кувайт – Непал

Даври 3-юм

18 сентябр (чоршанбе)

19:00 – Тоҷикистон – Кувайт

22:00 – Урдун – Шри-Ланка

Даври 4-ум

20 сентябр (ҷумъа)

19:00 – Урдун – Кувайт

22:00 – Непал – Тоҷикистон

Даври 5-ум

22 сентябр (якшанбе)

19:00 – Шри-Ланка – Непал

22:00 – Тоҷикистон – Урдун

Эзоҳ: замони оғози бозиҳо – ба вақти Душанбе.

Шарҳҳо

Шарҳи нав расид
Идома
XS
SM
MD
LG