Пайвандҳои дастрасӣ

Хабари нав

Мунтахаби Тоҷикистон дар Ҷоми президенти Қазоқистон дувум шуд


Дастаи мунтахаби наврасони зери 16-солаи футболи Тоҷикистон бо раҳбарии сармураббӣ Аҳлиддин Турдиев дар мусобиқаи байналмилалӣ барои Ҷоми президенти Қазоқистон, ки 28-уми август дар шаҳри Нурсултон ба поён расид, мақоми дувумро касб намуд ва барандаи медалҳои нуқра гардид.

Мунтахаби наврасони Тоҷикистон (U-16) дар бозии ниҳоӣ аз мунтахаби наврасони Қазоқистон (U-17) бо ҳисоби 0:3 мағлуб шуд.

Ёдовар мешавем, футболбозони навраси тоҷик дар марҳилаи гурӯҳии ин мусобиқаи анъанавии байналмилалӣ, ки барои бори дувоздаҳум доир гардид, бар ҳамсолонашон аз Арманистон ва Қазоқистон бо ҳисоби якхелаи 2:1 ғолиб омада, дар гурӯҳи худ мақоми аввалро касб намуда буданд.

Мунтахаби наврасони Тоҷикистон (U-16) барои ҷойи дувум ба ҷуз аз медалҳои нуқра бо ҷоизаи молӣ ба маблағи 5 000 доллари ИМА сарфароз гашт. Дастаи ғолиб – мунтахаби наврасони Қазоқистон (U-17) - бо медалҳои тилло ва 7 000 доллари ИМА мукофотонида шуд. Ба мунтахаби наврасони Литва (U-17), ки ҷойи севумро гирифт, медалҳои биринҷӣ ва 3 000 доллари ИМА тақдим гардид.

Бояд гуфт, ки бозигари мунтахаби наврасони Тоҷикистон Алиҷони Айнӣ аз рӯи натиҷагирии мусобиқа бо ҷоизаи беҳтарин нимҳимоятгари Ҷоми президенти Қазоқистон сарфароз гашт.

Ҷоми президенти Қазоқистон-2019

Бозӣ барои ҷойҳои 5-6-ум

Арманистон (U-17) – Қирғизистон (U-16) – 2:1

Бозӣ барои ҷойи севум

Қазоқистон (U-16) – Литва (U-17) – 2:3

Финал

Қазоқистон (U-17) – Тоҷикистон (U-16) – 3:0

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG