Пайвандҳои дастрасӣ

Хабари нав

Аргентина, Испания ва Камерун - рақибони Тоҷикистон дар қаҳрамонии ҷаҳон


Аз рӯи натоиҷи қуръакашии қаҳрамонии ҷаҳон-2019 миёни наврасони зери 17-сола, ки 11-уми июл дар қароргоҳи Федеросиюни байналмилалии футбол (FIFA) - Сюрихи Швейтсария - доир гардид, мунтахаби наврасони Тоҷикистон ба гурӯҳи «Е» дохил шуд ва рақибонаш дастаҳои мунтахаби Аргентина, Испания ва Камерун мебошанд.

Мусобиқоти ҳаждаҳуми қаҳрамонии ҷаҳон миёни наврасони зери 17-сола аз 26-уми октябр то 17-уми ноябри имсол дар чаҳор шаҳри Бразилия – Кариасика, Гама, Бразилиа ва Гояния - баргузор мешавад.

Мунтахаби Тоҷикистон бо раҳбарии сармураббӣ Зайниддин Раҳимов нахустин бозиашро дар қаҳрамонии ҷаҳон-2019 миёни наврасони зери 17-сола 28-уми октябр бо мунтахаби Камерун анҷом медиҳад. Футболбозони навраси тоҷик дар даври дувум 31-уми октябр бо ҳамсолонашон аз Испания рӯбарӯ мешаванд. Бозии охирини марҳилаи гурӯҳиро дастаи Тоҷикистон 3-юми ноябр бо мунтахаби Аргентина баргузор мекунад.

Ҳамаи бозиҳо бо иштироки дастаи мунтахаби наврасони Тоҷикистон дар варзишгоҳи «Estаdio Klеber Andrade»-и шаҳри Кариасикаи Бразилия доир мегарданд.

Бар асоси қуръакашӣ 24 даста ба шаш гурӯҳи чаҳордастаӣ тақсим шудааст. Ба даври баъдии қаҳрамонии ҷаҳон-2019 миёни наврасони зери 17-сола аз ҳар гурӯҳ ду дастаи беҳтарин, инчунин чаҳор дастаи беҳтарини ҷойҳои сеюм роҳ пайдо мекунанд.

Натоиҷи қуръакашии қаҳрамонии ҷаҳон миёни наврасон-2019 (U-17):

Гурӯҳи «А»: Бразилия, Канада, Зеландияи Нав, Ангола.

Гурӯҳи «В»: Нигерия, Маҷористон, Эквадор, Австралия.

Гурӯҳи «С»: Кореяи Ҷанубӣ, Гаити, Фаронса, Чили.

Гурӯҳи «D»: ИМА, Сенегал, Ҷопон, Ҳолланд.

Гурӯҳи «Е»: Испания, Аргентина, Тоҷикистон, Камерун.

Гурӯҳи «F»: Ҷазираҳои Соломон, Италия, Парагвай, Мексика.

Тақвими бозиҳои гурӯҳи «Е»:

Даври 1-ум

28 октябр (душанбе)

Тоҷикистон – Камерун

Испания – Аргентина

Даври 2-юм

31 октябр (панҷшанбе)

Испания – Тоҷикистон

Камерун – Аргентина

Даври 3-юм

3 ноябр (якшанбе)

Аргентина – Тоҷикистон

Камерун – Испания

Шарҳҳоро бинед (17)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG