Ба иттилои Федератсияи футболи Тоҷикистон, бозии дӯстона миёни дастаҳои мунтахаби ҷавонони футзали Қирғизистон ва Тоҷикистон рӯзҳои 3-юм ва 4-уми июн дар шаҳри Бишкек барпо мегарданд.
Ёдовар мешавем, дастаи мунтахаби футзали Тоҷикистон (U-20) бо раҳбарии сармураббӣ Эраҷ Носеҳов дар марҳилаи ниҳоии қаҳрамонии Осиё-2019 (U-20), ки аз 14-ум то 22-юми июн дар шаҳри Табризи Эрон доир мегардад, дар гурӯҳи «С» бо дастаҳои Ҷопон (14-уми июн) ва Ветнам (15-уми июн) рақобат мекунад.
Дар мусобиқоти қаҳрамонии Осиё-2019 миёни ҷавонони то 20-сола 12 дастаи мунтахаб, ки ба чаҳор гурӯҳ тақсим шудааст, ширкат меварзад. Аз рӯи натиҷагирии марҳилаи гурӯҳӣ аз ҳар гурӯҳ дудастаӣ ба даври чорякниҳоӣ роҳ пайдо мекунанд.
Дар мавриди ба чорякфинали мусобиқоти қаҳрамонии Осиё-2019 баромадан мунтахаби ҷавонони футзали Тоҷикистон (U-20) бо яке аз дастаҳои гурӯҳи «D» – Ироқ, Индонезия ё Тайбэйи Чин – бозӣ хоҳад кард.
