Даври дувуми сабқати гурӯҳии марҳилаи ниҳоии Ҷоми ФФТ (Федератсияи футболи Тоҷикистон)-2019, ки бо ширкати ҳашт даста дар Варзишгоҳи марказии шаҳри Ҳисор ҷараён дорад, рӯзи 26-уми феврал бо ду бозӣ дар гурӯҳи «А» шуруъ шуд.
Аввал дастаҳои «Душанбе-83»-и Душанбе ва «Истаравшан»-и Истаравшан ба майдон омаданд. Бозӣ бо ҳисоби мусовӣ ва бидуни гол хотима ёфт. Баъдан тимҳои «Арал»-и Абдураҳмони Ҷомӣ ва «Регар-ТадАЗ»-и Турсунзода рақобат карданд. Бозӣ бо ҳисоби бузурги 7:0 ба нафъи «Регар-ТадАЗ» ба поён расид.
Ба ин тартиб, баъди натиҷагирии даври дувуми марҳилаи ниҳоии Ҷоми ФФТ-2019 дар гурӯҳи “А” дастаҳои “Истаравшан” ва «Регар-ТадАЗ» бо чоримтиёзӣ мутаносибан дар ҷойҳои якуму дувум қарор доранд.
Имрӯз, 27-уми феврал, ду бозии даври дувум дар гурӯҳи «Б» доир мешавад. Аввал дар Варзишгоҳи марказии Ҳисор дастаҳои «Гулистон»-и Гулистон ва «Ҳулбук»-и Восеъ, баъдан «Истиқлол»-и Душанбе ва «Кӯктош»-и Рӯдакӣ рақобат мекунанд. Дар ин гурӯҳ дастаҳои “Истиқлол” ва «Кӯктош» бо сеимтиёзӣ пешсафанд.
Бар асоси қуръакашӣ дастаҳо ба ду гурӯҳ тақсим шудаанд. Ба гурӯҳи «А» - «Душанбе-83» (Душанбе), «Арал» (Абдураҳмони Ҷомӣ), «Истаравшан» (Истаравшан) ва «Регар-ТадАЗ» (Турсунзода), ба гурӯҳи «Б» - «Гулистон» (Гулистон), «Истиқлол» (Душанбе), «Ҳулбук» (Восеъ) ва «Кӯктош» (Рӯдакӣ) дохиланд.
Бояд гуфт, ки аз рӯи натоиҷи марҳилаи гурӯҳӣ аз ҳар гурӯҳ дудастаӣ ба нимфинал роҳ пайдо мекунанд. Бозии ниҳоии Ҷоми ФФТ-2019 рӯзи сешанбеи 5-уми март баргузор мешавад.
Ҷоми ФФТ. Марҳилаи ниҳоӣ
Гурӯҳи «А». Даври 2-юм
«Душанбе-83» – «Истаравшан» – 0:0
Аз майдон хориҷ шуданд: Парвиз Ҳамидов («Душанбе-83»), 45+2 – корти 2-юми зард, Фаридун Деҳқонов («Истаравшан»), 45+2 – корти 2-юми зард.
Бозигари беҳтарин: Бенҷамин Асамоа («Душанбе-83»).
Сардовар: Насрулло Кабиров (Норак).
26 феврал. Ҳисор. Варзишгоҳи марказӣ. 200 тамошобин.
«Арал» – «Регар-ТадАЗ» – 0:7
Голҳо: Наврӯз Рустамов, 8 (0:1). Ҳасан Рустамов, 14 (0:2). Наврӯз Рустамов, 18 (0:3). Ҳикматулло Расулов, 24 (0:4). Шелдорӣ Акбарӣ, 26 (0:5). Амирҷон Сафаров, 75 (0:6). Расул Пайзов, 85 (0:7).
Бозигари беҳтарин: Расул Пайзов («Регар-ТадАЗ»).
Сардовар: Рустам Нурматов (Душанбе).
26 феврал. Ҳисор. Варзишгоҳи марказӣ. 50 тамошобин.
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Истаравшан» (Истаравшан) |
2 |
1 |
1 |
0 |
8-0 |
4 |
|
2 |
«Регар-ТадАЗ» (Турсунзода) |
2 |
1 |
1 |
0 |
9-2 |
4 |
|
3 |
«Душанбе-83» (Душанбе) |
2 |
0 |
2 |
0 |
2-2 |
2 |
|
4 |
«Арал» (Абдураҳмони Ҷомӣ) |
2 |
0 |
0 |
2 |
0-15 |
0 |
Гурӯҳи «Б»
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Истиқлол» (Душанбе) |
1 |
1 |
0 |
0 |
5-3 |
3 |
|
2 |
«Кӯктош» (Рӯдакӣ) |
1 |
1 |
0 |
0 |
3-1 |
3 |
|
3 |
«Ҳулбук» (Восеъ) |
1 |
0 |
0 |
1 |
3-5 |
0 |
|
4 |
«Гулистон» (Гулистон) |
1 |
0 |
0 |
1 |
1-3 |
0 |
Тақвими бозиҳои боқимонда
Гурӯҳи «Б»
27 феврал (чоршанбе)
11:00 – «Гулистон» – «Ҳулбук»
14:00 – «Истиқлол» – «Кӯктош»
Даври 3-юм
Гурӯҳи «А»
28 феврал (панҷшанбе)
11:00 – «Душанбе-83» – «Арал»
14:00 – «Истаравшан» – «Регар-ТадАЗ»
Гурӯҳи «Б»
1 март (ҷумъа)
11:00 – «Ҳулбук» – «Кӯктош»
14:00 – «Гулистон» – «Истиқлол»
Нимфинал
3 март (якшанбе)
11:00 – 1 «А» – 2 «Б»
14:00 – 1 «Б» – 2 «А»
5 март (сешанбе)
11:00 – Бозӣ барои ҷойи сеюм
14:00 – Финал
