Мунтахаби наврасони зери 17-солаи футболи Тоҷикистон дар доираи ҷамъомади таълимиву тамринии даста дар Туркия бар ҳайати ҷавонони бошгоҳи «Ференсварош»-и Маҷористон бо ҳисоби 2:1 пирӯз шуд.
Дар ин бозӣ, ки рӯзи 9-уми феврал дар Белеки Анталияи Туркия, дар маҷмааи варишии «Беллис Резорт», баргузор шуд, ду голи мунтахаби наврасони Тоҷикистонро Рустам Соиров ба самар расонид.
Бозии санҷишӣ
Мунтахаби наврасони Тоҷикистон (U-17) – «Ференсварош» U-17 (Маҷористон) – 2:1
Голҳои Тоҷикистон: Рустам Соиров (2).
Мунтахаби наврасони Тоҷикистон (U-17) (ҳайати ибтидоӣ): Муҳриддин Ҳасанов, Ҷонибек Шарипов, Шаҳром Назаров, Исроил Холов, Шоҳрух Сангов, Нидоёр Забиров, Ҳамадонӣ Камолов, Шарифбек Раҳматов, Озодбек Панҷиев, Ислом Зоиров (капитан), Рустам Соиров.
9-уми феврал. Белек, Анталия. Варзишгоҳи «Беллис».
Футболбозони навраси тоҷик дар Анталия боз ду бозии контролӣ анҷом медиҳанд. Онҳо 13-уми феврал бо «Академиск Болдклуб Гладсаксе» аз Дания ва 18-уми феврал бо ҳайати ҷавонони бошгоҳи «NTG Конгсвингер» (U-19) аз Норвегия рақобат мекунанд.
Ба иттилои Зайниддин Раҳимов, сармураббии мунтахаби наврасони Тоҷикистон (U-17, ҷамъомади таълимиву тамринии даста дар Туркия то рӯзи 19-уми феврал идома хоҳад кард.
«Ширкат дар бозиҳои контролӣ дар Туркия барои дастаи мо яке аз марҳилаҳои омодагӣ ба чемпионати ҷаҳон-2019 маҳсуб мешавад, ки аз 5-ум то 27-уми октябр дар Перу доир мегардад», - гуфт ба Радиои Озодӣ Зайниддин Раҳимов.
Дар мусобиқоти қаҳрамонии ҷаҳон-2019 ҳамагӣ 24 даста ширкат меварзад. То имрӯз ҳафт даста маълум аст. Ба ҷуз мунтахаби мизбон – Перу, дастаҳои мунтахаби наврасони Ҷопон, Тоҷикистон, Австралия ва Кореяи Ҷанубӣ (ҳарчор аз қораи Осиё), инчунин Зеландияи Нав ва ҷазираҳои Соломон (Уқёнус) ба ҳаққи ширкат дар қаҳрамонии ҷаҳон-2019 мушарраф шудаанд.
Рақибони мунтахаби наврасони Тоҷикистон дар мусобиқоти қаҳрамонии ҷаҳон-2019 рӯзи 14-уми май тавассути қуръакашӣ, ки дар Театри миллии Перу доир мегардад, маълум хоҳанд шуд.
Ҳайати мунтахаби наврасони Тоҷикистон (U-17) дар ҷамъомади таълимиву тамринии даста дар Туркия:
Дарвозабонҳо: Муҳриддин Ҳасанов («Парвоз»), Комрон Иброҳимов, Самандар Каримов (ҳарду – «Локомотив-Помир»);
Ҳимоятгарон: Асадбек Зиёзода («Истаравшан»), Шаҳром Назаров, Шоҳрух Сангов, Ҷонибек Шарипов, Исроил Холов, Меҳробҷон Азимов (ҳама – «Локомотив-Помир»);
Нимҳимоятгарон: Муҳаммадалӣ Азизбоев («Истаравшан»), Иброҳим Зокиров («Регар-ТадАЗ»), Эмомалӣ Аҳмадхон, Нидоёр Забиров, Шарифбек Раҳматов, Шуҳрат Элмуродов, Озодбек Панҷиев, Азизбек Ҳасанов, Ҳамадонӣ Камолов, Ҳамзаҷон Аҳтамов (ҳама – «Локомотив-Помир»);
Ҳамлагарон: Суннатулло Исмоилов («Хатлон»), Ислом Зоиров, Рустам Соиров, Парвиз Ҳоҷиев (ҳарсе – «Локомотив-Помир»).
Сармураббӣ – Зайниддин Раҳимов.
