Муборизаи 7 даста барои Ҷоми ФФТ дар минтақаи Душанбе

Марҳилаи пешакии Ҷоми ФФТ (Федератсияи футболи Тоҷикистон)-2019 дар минтақаи Душанбе рӯзи 31-уми январ шуруъ мешавад.

Ба иттилои Федератсияи футболи Тоҷикистон, Ҷоми ФФТ дар ду марҳила – пешакӣ ва ниҳоӣ – сурат мегирад. Дар марҳилаи пешакӣ мусобиқот дар се минтақа – Душанбе, Суғд ва Хатлон – доир мегардад.

Дар марҳилаи пешакии Ҷоми ФФТ дар минтақаи Душанбе, ки 31-уми январ оғоз меёбад, ҳафт даста – «Истиқлол» (Душанбе), ССКА «Помир» (Душанбе), «Регар-ТадАЗ» (Турсунзода), «Кӯктош» (Рӯдакӣ), «Ваҳдат» (Ваҳдат), «Душанбе-83» (Душанбе) ва «Шоҳмансур» (Душанбе) - иштирок мекунанд.

Мусобиқа аз рӯи системи даврӣ дар як давра баргузор мешавад. Бозиҳо бо ширкати «Истиқлол» баъди иштироки қаҳрамони Тоҷикистон дар марҳилаи пешакии Лигаи қаҳрамонҳои АФК-2019 доир мегарданд.

Ба марҳилаи ниҳоии Ҷоми ФФТ, ки 23-юми феврал оғоз меёбад, аз минтақаи Душанбе чор даста роҳ пайдо мекунад. Марҳилаи пешакӣ дар минтақаи Суғд 20-уми январ шуруъ шуд, дар минтақаи Хатлон бошад, 30-юми январ оғоз меёбад.

Барандаи феълии Ҷоми ФФТ дастаи «Истиқлол» мебошад, ки соли гузашта дар бозии ниҳоӣ бар тими «Регар-ТадАЗ» бо ҳисоби 3:1 ғолиб шуда буд.

Ҷоми ФФТ-2019

Марҳилаи пешакӣ. Минтақаи Душанбе

Тақвими бозиҳо

Даври 1-ум

31-уми январ (панҷшанбе)

11:00 – «Кӯктош» – «Ваҳдат»

14:00 – «Шоҳмансур» – «Регар-ТадАЗ»

Даври 2-юм

2-юми феврал (шанбе)

11:00 – «Ваҳдат» – ССКА «Помир»

14:00 – «Душанбе-83» – «Кӯктош»

Даври 3-юм

4-уми феврал (душанбе)

11:00 – ССКА «Помир» – «Душанбе-83»

14:00 – «Шоҳмансур» – «Ваҳдат»

Даври 4-ум

6-уми феврал (чоршанбе)

11:00 – «Ваҳдат» – «Регар-ТадАЗ»

14:00 – «Душанбе-83» – «Шоҳмансур»

7-уми феврал (панҷшанбе)

11:00 – «Кӯктош» – ССКА «Помир»

Даври 5-ум

8-уми феврал (ҷумъа)

11:00 – «Регар-ТадАЗ» – «Душанбе-83»

9-уми феврал (шанбе)

11:00 – «Шоҳмансур» – «Кӯктош»

Даври 6-ум

11-уми феврал (душанбе)

11:00 – «Кӯктош» – «Регар-ТадАЗ»

14:00 – ССКА «Помир» – «Шоҳмансур»

Даври 7-ум

12-уми феврал (сешанбе)

11:00 – «Ваҳдат» – «Душанбе-83»

13-уми феврал (чоршанбе)

11:00 – «Регар-ТадАЗ» – ССКА «Помир»