Мусобиқаи қаҳрамонии ҷаҳон оид ба самбо миёни наврасон, ки 4-уми декабр дар шаҳри Нови-Сади Сербия шуруъ шуд, шаби имрӯз, 5-уми декабр, ба анҷом мерасад.
Чунонки сомонаи расмии Федератсиони байналмилалии самбо (FIAS) хабар додааст, дар ин мусобиқаи ҷаҳонӣ, ки дар толори “Спенс” баргузор шудааст, варзишгарони 15-16-сола (солҳои таваллудашон 2002-2003) аз 28 кишвари ҷаҳон ширкат доранд.
Мусобиқа ҳам миёни писарон ва ҳам миёни духтарон дар даҳ вазн сурат гирифтааст. Рӯзи аввали мусобиқа, 4-уми декабр, писарон дар панҷ вазн - 42 кг, 50 кг, 60 кг, 72 кг, 84 кг ва духтарон низ дар панҷ вазн - 38 кг, 44 кг, 52 кг, 60 кг, 70 кг - рақобат карданд.
Дар сабқати писарон дар рӯзи аввал дар ҳамаи панҷ вазн варзишгарони Русия ба унвони қаҳрамони ҷаҳон даст ёфтанд. Дар сабқати духтарон дар се вазн русиягиҳо ва дар ду вазни дигар беларусҳо ғолиб шуданд.
Ғолибону ҷоизадорони рӯзи аввали мусобиқаи қаҳрамонии ҷаҳон оид ба самбо миёни наврасон, 4-уми декабр, шаҳри Нови-Сади Сербия
Писарон
42 кг
1. УСОЛТСЕВ Богдан (Русия)
2. КАЗНАЧЕЕВ Максим (Украина)
3. ЕРИК Нурдаулет (Қазоқистон)
3. КАЗАК Александр (Беларус)
50 кг
1. ШАМСУТДИНОВ Данир (Русия)
2. ШРАМКО Микола (Украина)
3. СТРАУСС Эдгарс (Латвия)
3. ҲОВАНИСЯН Нораир (Арманистон)
60 кг
1. ЛОБАНОВ Максим (Русия)
2. АМРИЯН Нарик (Aрманистон)
3. ЛАТИСЕВ Михаил (Mолдова)
3. ТСВЕТКОВ Тсветан (Булғористон)
72 кг
1. ОРЛОВ Даниил (Русия)
2. КУТСКО Эдуард (Беларус)
3. СИЕДЛОВ Алексей (Украина)
3. TАБАТАДЗЕ Паата (Гурҷистон)
84 кг
1. КАНАТЧИКОВ Александр (Русия)
2. ФЕДКО Иҳтиандру (Mолдова)
3. TCEKOВ Kрум (Булғористон)
3. АЛЛАХВЕРДИЕВ (Украина)
Духтарон
38 кг
1. БОБРОВА Даря (Русия)
2. ФЕДОРЧЕНКО Ярина (Украина)
3. КАХОБЕРАШВИЛИ Натия (Гурҷистон)
3. АРМАН Aружан (Қазоқистон)
44 кг
1. ЕМЕЛИУКОВА Софя (Русия)
2. СТРИҲУН Ангелина (Беларус)
3. ТРОНСИУ Виктория (Mолдова)
3. СИКИШ Анастасия (Украина)
52 кг
1. РЕВВА Юлия (Русия)
2. ПЛИШ Снижана (Украина)
3. МРДАЛҶ Лана (Сербия)
3. ПЕТКОВА Янитса (Булғористон)
60 кг
1. СЕМЯНЮК Дарина (Беларус)
2. ДРИҲ Олга (Украина)
3. АГАПОВА Татяна (Русия)
3. КОМИЛҶОНОВА Моҳигул (Узбекистон)
70 кг
1. СКВОРТСОВА Настасия (Беларус)
2. ГЕОРГИЕВА Красимира (Булғористон)
3. ИОНЕСКУ Лавиния (Руминия)
3. ПОСТНИКОВА Елизавета (Русия)
Имрӯз, 5-уми декабр, писарон дар панҷ вазни боқимонда - 46 кг, 55 кг, 66 кг, 78 кг, беш аз 84 кг ва духтарон низ дар панҷ вазни боқимонда - 41 кг, 48 кг, 56 кг, 65 кг, беш аз 70 кг вориди рақобат мешаванд.
Тоҷикистонро дар мусобиқаи қаҳрамонии ҷаҳон оид ба самбо миёни наврасон дар шаҳри Нови-Сади Сербия танҳо як варзишгар – Шамшоди Шамсимаҳмад - намояндагӣ мекунад. Ӯ дар вазни зери 55 кило дар гурӯҳи “D” имрӯз, 5-уми декабр, аз даври дувум вориди рақобат мешавад. Рақибаш Тсветомир Иванов аз Булғористон мебошад. Дар ин вазн ҳамагӣ 18 гуштигири наврас барои медалҳо мубориза мебарад.
Ҳамчунин дар ин мусобиқаи қаҳрамонии ҷаҳон довари дараҷаи байналмилалӣ Маҳмуд Абдуллоев, дабири кулли Федератсияи самбои Тоҷикистон, ба ҳайси ҳакам ширкат дорад.
