Афғонистон ҷавонони Тоҷикистонро аз ширкат дар қаҳрамонии Осиё маҳрум кард

Дастаи мунтахаби ҷавонони Тоҷикистон, ки аз ҳисоби бозигарони то 20-сола таркиб ёфтааст, дар бозии плей-оффи мусобиқаи интихобии қаҳрамонии футзали Осиё-2019 дар шаҳри Тошканд аз тими ҷавонони Афғонистон (U-20) бо ҳисоби 1:4 шикаст хӯрд ва аз ҳаққи ширкат дар маҳилаи ниҳоии мусобиқа маҳрум шуд.

Бозии плей-офф миёни тимҳои мунтахаби ҷавонони Афғонистону Тоҷикистон, ки мутаносибан дар гурӯҳҳои “А” ва “В” ҷойҳои дувумро гирифтанд, имрӯз, 4-уми декабр, дар шаҳри Тошканд, дар маҷмааи варзишии «Узбекистон», доир гардид. Голҳои мунтахаби Афғонистонро Саид Ҳусейн Мусавӣ (ду гол), Фарзод Маҳмудӣ ва Ҳамид Ризо Ҳусайнӣ заданд. Голи ягонаи мунтахаби Тоҷикистонро Рабиҷон Рабиев ба ҳадаф расонд.

Ба ин тартиб, аз минтақаи Осиёи Марказӣ ба қисми ниҳоии мусобиқаи қаҳрамонии футзали Осиё, ки соли оянда доир мегардад, тимҳои мунтахаби ҷавонони Эрон, Қирғизистон ва Афғонистон роҳ ёфтанд.

Ёдовар мешавем, дастаи мунтахаби ҷавонони Тоҷикистон дар мусобиқаи интихобии қаҳрамонии футзали Осиё-2019 дар гурӯҳи «В» дар шаҳри Тошканд 2-юми декабр аз тими ҷавонони Қирғизистон (U-20) бо ҳисоби 1:6 шикаст хӯрда, 3-юми декабр бар тими Узбекистон бо ҳисоби 7:2 ғолиб омада буд.

Ҳамин тариқ, аз рӯи натиҷагирии марҳилаи интихобӣ дар гурӯҳи «В» се даста – Қирғизистон, Тоҷикистон ва Узбекистон – сеимтиёзӣ ба даст оварданд. Бар асоси дастури мусобиқа, ғолиби гурӯҳ аз рӯи таносуби беҳтари тӯбҳо муайян гардид. Мунтахаби Қирғизистон (таносуби тӯбҳо - 9-7) ҷойи аввалро касб намуд. Ҷойи дувумро мунтахаби Тоҷикистон (таносуби тӯбҳо – 8:8) соҳиб шуд. Мунтахаби Узбекистон (таносуби тӯбҳо - 8-10) дар гурӯҳ ҷойи охиринро ишғол кард.

Мусобиқаи қаҳрамонии Осиё-2019 оид ба футзал миёни дастаҳои мунтахаби ҷавонон (U-20)

Мусобиқаи интихобӣ. Минтақаи Марказӣ

Гурӯҳи «А»: Эрон, Афғонистон, Туркманистон.

Даври 1-ум

Туркманистон – Эрон – 3:6

Даври 2-юм

Афғонистон – Туркманистон – 5:0

Даври 3-юм

Эрон – Афғонистон – 4:2

Мавқеи дастаҳо дар ҷадвали гурӯҳи “А”

Гурӯҳи «В»: Узбекистон, Тоҷикистон, Қирғизистон.

Даври 1-ум

Қирғизистон – Узбекистон – 3:6

Даври 2-юм

Тоҷикистон – Қирғизистон – 1:6

Голи Тоҷикистон: Халид Сабуров.

Тоҷикистон (панҷгонаи ибтидоӣ): Сироҷиддин Ҳусайнов – Идрис Ёров, Муҳаммад Раҷабов, Фаридун Неъматов, Насим Шарипов.

Даври 3-юм

Узбекистон – Тоҷикистон – 2:7

Голҳои Тоҷикистон: Муҳаммад Раҷабов (3 гол), Идрис Ёров (2 гол), Фаридун Неъматов, Халид Сабуров.

Тоҷикистон (панҷгонаи ибтидоӣ): Сироҷиддин Ҳусайнов – Идрис Ёров, Муҳаммад Раҷабов, Фаридун Неъматов, Насим Шарипов.

Мавқеи дастаҳо дар ҷадвали гурӯҳи “В”

Плей-офф

4-уми декабр (сешанбе)

Афғонистон – Тоҷикистон – 4:1

Голҳо: Саид Ҳусейн Мусавӣ, 12 (1:0). Саид Ҳусейн Мусавӣ, 16 (2:0). Фарзод Маҳмудӣ, 29 (3:0). Ҳамид Ризо Ҳусайнӣ, 35 (4:0). Рабиҷон Рабиев, 35 (4:1).

Тоҷикистон (панҷгонаи ибтидоӣ): Сироҷиддин Ҳусайнов – Идрис Ёров, Муҳаммад Раҷабов, Халид Сабуров, Сомон Саидзода.

Тошканд. Маҷмааи варзишии «Узбекистон». 100 тамошобин.