Пайвандҳои дастрасӣ

Хабари нав

"Истиқлол" бори ҳафтум қаҳрамони Тоҷикистон шуд


Дастаи “Истиқлол”-и Душанбе барои бори ҳафтум ғолиби мусобиқаи қаҳрамонии футболи Тоҷикистон миёни дастаҳои лигаи олӣ гардид.

Дар даври бистуми мусобиқа «Истиқлол» бозиро имрӯз, 7-уми ноябр, дар майдони худ – Варзишгоҳи марказии ҷумҳуриявӣ – ба ССКА «Помир»-и Душанбе бо ҳисоби 0:1 бохт. Голи ягонаро Шодибек Ғаффоров дар дақиқаи 54-ум ба самар расонд.

Вале ин бохт мавқеи “Истиқлол”-ро дар ҷадвали мусобиқа тағйир надод. “Истиқлол”, ки бо 48 имтиёз барои рақибонаш дастнорас шуд, пеш аз даври охирини мусобиқа соҳиби медалҳои тилло гардид.

Дастаи «Хуҷанд»-и шаҳри Хуҷанд, ки дар ҷадвал бо 43 имтиёз ҷойи дуюмро касб намудааст, бо медалҳои нуқра мукофотонида мешавад. Хуҷандиҳо дар даври бистум дар меҳмонӣ аз тими «Хатлон»-и Бохтар бо ҳисоби 2:4 шикаст хӯрданд.

Дастаи нави лигаи олӣ - “Кӯктош”-и ноҳияи Рӯдакӣ, ки бо 30 имтиёз дар зинаи сеюм ҷойгир шудааст, новобаста аз натиҷаи бозии охиринаш 11-уми ноябр дар меҳмонӣ бо “Хуҷанд” пешакӣ медалҳои биринҷиро азони худ кард. “Кӯктош” дар даври бистум бозиро 7-уми ноябр дар майдони худ ба “Регар-ТадАЗ”-и Турсунзода бо ҳисоби 1:2 бохт.

Боз як бозии даври бистум рӯзи чоршанбе дар варзишгоҳи ба номи Уктам Маматови ноҳияи Ҷалолиддини Балхӣ доир гардид. Дастаи мизбон - “Панҷшер”- тими “Барқчӣ”-и Ҳисорро, ки дар зинаи охирин ҷойгир шуд, бо ҳисоби 2:1 шикаст дод.

Мусобиқаи қаҳрамонии Тоҷикистон. Лигаи олӣ

Даври 20-ум

7-уми ноябр (чоршанбе)

«Панҷшер» «Барқчӣ» - 2:1

Сардовар: Гулмуроди Саъдулло (Душанбе).

Ҷалолиддини Балхӣ, варзишгоҳи ба номи Уктам Маматов

«Истиқлол» ССКА «Помир» - 0:1

Сардовар: Хусрави Сиддиқзод (Душанбе).

Душанбе, Варзишгоҳи марказии ҷумҳуриявӣ

«Хатлон» – «Хуҷанд» - 4:2

Сардовар: Насрулло Кабиров (Норак).

Бохтар, варзишгоҳи «Пахтакор»

«Кӯктош» «Регар-ТадАЗ» - 1:2

Сардовар: Сайёдҷон Зайниддинов (Душанбе).

Рӯдакӣ, варзишгоҳи «Нефтяник»

Мавқеи дастаҳо дар ҷадвали мусобиқа

Ҷ

ДАСТАҲО

Б

Ғ

М

Б

Т/Т

И

1

«Истиқлол» (Душанбе)

20

15

3

2

34-16

48

2

«Хуҷанд» (Хуҷанд)

20

13

4

3

39-19

43

3

«Кӯктош» (Рӯдакӣ)

20

9

3

8

30-29

30

4

«Регар-ТадАЗ» (Турсунзода)

20

7

4

9

25-26

25

5

«Хатлон» (Бохтар)

20

7

3

10

24-26

24

6

ССКА «Помир» (Душанбе)

20

5

8

7

21-30

23

7

«Панҷшер» (Ҷалолиддини Балхӣ)

20

4

6

10

16-27

18

8

«Барқчӣ»исор)

20

4

1

15

16-32

13

Даври 21-ум

11-уми ноябр (якшанбе)

Оғози бозиҳо – соати 14:00

«Барқчӣ» – «Истиқлол»

«Регар-ТадАЗ» – «Панҷшер»

«Хуҷанд» – «Кӯктош»

ССКА «Помир» – «Хатлон»

Шарҳҳоро бинед (5)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG