Пайвандҳои дастрасӣ

Хабари нав

Лигаи олӣ: "Истиқлол" - як қадам то тилло, "Кӯктош" - соҳиби медалҳои биринҷӣ


Мусобиқаи қаҳрамонии футболи Тоҷикистон миёни дастаҳои лигаи олӣ баъди танаффуси якуниммоҳа рӯзи шанбеи 3-юми ноябр бо бозиҳои даври нуздаҳум идома ёфт.

Дастаи "Истиқлол"-и Душанбе дар даври нуздаҳум дар меҳмонӣ тими “Панҷшер”-и ноҳияи Ҷалолиддини Балхиро бо ҳисоби 2:0 мағлуб кард. Ҳарду голро Шериддин Бобоев дар нимаи аввали дидор, дар дақиқаҳои 10-ум ва 12-ум, ба самар расонд.

Ба “Истиқлол”, ки бо 48 имтиёз дар ҷадвали мусобиқаи лигаи олӣ пешсафи ягона аст, барои бори ҳафтум ба унвони қаҳрамони Тоҷикистон даст ёфтан, дар ду даври охирин як имтиёз ба даст овардан кофист. Дар даври бистум «Истиқлол» рӯзи чоршанбеи 7-уми ноябр дар майдони худ бо ССКА «Помир»-и Душанбе рақобат мекунад.

Муддаии дигари медалҳои тилло - дастаи «Хуҷанд»-и шаҳри Хуҷанд, ки бозии даври нуздаҳумро дар майдони худ бо ССКА «Помир» бо ҳисоби мусовии 0:0 анҷом дод, аз ду имтиёз бенасиб монд. Зимнан, дар дақиқаи 39-ум сардовари ин бозӣ Гулмуроди Саъдулло аз Душанбе ҳамлагари меҳмонон Абдухалил Бороновро барои суханҳои тавҳиномез нисбати ӯ аз майдон хориҷ кард.

Дар бозии дигари даври нуздаҳум дастаи «Хатлон»-и Бохтар дар меҳмонӣ тими «Регар-ТадАЗ»-и Турсунзодаро бо ҳисоби 2:0 шикаст дод. Ҳарду голро Маҳмадалӣ Содиқов дар дақиқаҳои 24-ум ва 33-юм ба самар расонд.

Аз рӯи натиҷагирии даври нуздаҳум барандаи медалҳои биринҷии мусобиқаи қаҳрамонии футболи Тоҷикистон миёни дастаҳои лигаи олӣ маълум шуд. Дастаи нави лигаи олӣ - “Кӯктош”-и ноҳияи Рӯдакӣ, ки бо 30 имтиёз дар зинаи сеюм ҷойгир шудааст, новобаста аз натиҷаҳои ду бозии боқимондааш 7-уми ноябр дар майдони худ бо “Регар-ТадАЗ” ва 11-уми ноябр дар меҳмонӣ бо “Хуҷанд” пешакӣ соҳиби медалҳои биринҷӣ гардид.

Бояд гуфт, ки дар мавриди роҳ ёфтани қаҳрамони Тоҷикистон ба марҳилаи гурӯҳии Лигаи қаҳрамонҳои АFC-2019, «Кӯктош» дар марҳилаи гурӯҳии Ҷоми AFC-2019 ширкат меварзад.

Мусобиқаи қаҳрамонии Тоҷикистон. Лигаи олӣ. Даври 19-ум

«Панҷшер» – «Истиқлол» – 0:2

Голҳо: Шериддин Бобоев, 10 (0:1). Шериддин Бобоев, 12 (0:2).

Беҳтарин бозигари дидор: Шериддин Бобоев («Истиқлол»).

Сардовар: Беҳрӯз Муртазоев (Душанбе).

3-юми ноябр. Ҷалолиддини Балхӣ. Варзишгоҳи ба номи Уктам Маматов. 2000 тамошобин.

«Регар-ТадАЗ» – «Хатлон» – 0:2

Голҳо: Маҳмадалӣ Содиқов, 24 (0:1). Маҳмадалӣ Содиқов, 33 (0:2).

Беҳтарин бозигари дидор: Маҳмадалӣ Содиқов («Хатлон»).

Сардовар: Хуршед Дадобоев (Хуҷанд).

3-юми ноябр. Турсунзода. Варзишгоҳи «ТАЛКО-Арена». 700 тамошобин.

«Хуҷанд» – ССКА «Помир» – 0:0

Аз майдон хориҷ шуд: Абдухалил Боронов (ССКА «Помир»), 39 – барои таҳқири сардовар.

Беҳтарин бозигари дидор : Азимҷон Қараев (ССКА «Помир»).

Сардовар: Гулмуроди Саъдулло (Душанбе).

3-юми ноябр. Хуҷанд. Варзишгоҳи «20-солагии Истиқлолияти Тоҷикистон». 1000 тамошобин.

Мавқеи дастаҳо дар ҷадвали мусобиқа

Ҷ

ДАСТАҲО

Б

Ғ

М

Б

Т

И

1

«Истиқлол» (Душанбе)

19

15

3

1

34-15

48

2

«Хуҷанд» (Хуҷанд)

19

13

4

2

37-15

43

3

«Кӯктош» (Рӯдакӣ)

19

9

3

7

29-27

30

4

«Регар-ТадАЗ» (Турсунзода)

19

6

4

9

23-25

22

5

«Хатлон» (Бохтар)

19

6

3

10

20-24

21

6

ССКА «Помир» (Душанбе)

19

4

8

7

20-30

20

7

«Панҷшер» (Ҷалолиддини Балхӣ)

19

3

6

10

14-26

15

8

«Барқчӣ» (Хисор)

19

4

1

14

15-30

13

Нишонзанҳо: Шериддин Бобоев («Истиқлол») – 10 тӯб, Ҷаҳонгир Эргашев («Хуҷанд») – 9 тӯб, Дилшод Восиев («Истиқлол»), Фарҳод Тоҳиров («Хуҷанд»), Наврӯз Рустамов («Хатлон»/«Регар-ТадАЗ») – 6 тӯбӣ.

Тақвими бозиҳои боқимонда:

Даври 20-ум

7-уми ноябр (чоршанбе)

Оғози бозиҳо – соати 14:00

«Панҷшер» – «Барқчӣ»

«Истиқлол» – ССКА «Помир»

«Хатлон» – «Хуҷанд»

«Кӯктош» – «Регар-ТадАЗ»

Даври 21-ум

11-уми ноябр (якшанбе)

Оғози бозиҳо – соати 14:00

«Барқчӣ» – «Истиқлол»

«Регар-ТадАЗ» – «Панҷшер»

«Хуҷанд» – «Кӯктош»

ССКА «Помир» – «Хатлон»

XS
SM
MD
LG