Пайвандҳои дастрасӣ

Хабари нав

"Истиқлол" ва "Регар-ТадАЗ" дар финали Ҷоми Тоҷикистон


Акс аз бойгонӣ

Дастаҳои “Истиқлол”-и Душанбе ва «Регар-ТадАЗ»-и Турсунзода ба финали Ҷоми Тоҷикистон, ки рӯзи шанбе, 27-уми октябр, дар Варзишгҳи марказии шаҳри Ваҳдат баргузор мешавад, роҳ ёфтанд.

“Истиқлол” дар бозии ҷавобии ниманиҳоии Ҷоми Тоҷикистон, ки рӯзи якшанбе, 21-уми октябр, дар Варзишгоҳи марказии ҷумҳуриявӣ барпо гардид, аз тими лигаи якум - «Душанбе-83»-и Душанбе - бо ҳисоби 2:3 мағлуб шуд.

Бозии аввали ниманиҳоӣ бо пирӯзии “Истиқлол” бо ҳисоби 3:1 хотима ёфта буд. Аз рӯи натиҷагирии ду бозӣ бо дарназардошти таносуби беҳтари тӯбҳо “Истиқлол” ба финали Ҷоми Тоҷикистон баромад.

Дар бозии дигари ниманиҳоии Ҷоми Тоҷикистон “Регар-ТадАЗ”-и Турсунзода дар меҳмонӣ «Хуҷанд»-и шаҳри Хуҷандро бо ҳисоби 2:1 мағлуб кард. Бозии аввал бо ғалабаи “Хуҷанд” бо ҳисоби 1:0 ба анҷом расида буд. Аз рӯи натиҷагирии ду бозӣ ҳисоб 2:2 шуд. Ду голи дар меҳмонӣ задаи “Регар-ТадАЗ” ба футболбозони шаҳри Турсунзода имкон дод, ки ба ҳаққи ширкат дар бозии ниҳоӣ даст ёбанд.

Ба ин тартиб, дар бозии ниҳоии Ҷоми Тоҷикистон, ки 27-уми октябр дар Варзишгоҳи марказии шаҳри Ваҳдат доир мегардад, “Истиқлол” ва “Регар-ТадАЗ” рақобат мекунанд.

Мусобиқа барои Ҷоми Тоҷикистон сар аз соли 1992 барои бори 27-ум баргузор шудааст. Ҳамагӣ даҳ даста барандаи Ҷом гардидааст. Аз ҳама бештар – шашборӣ - “Регар-ТадАЗ”-и Турсунзода ва “Истиқлол”-и Душанбе Ҷоми Тоҷикистонро ба даст овардаанд. “Хуҷанд”-и Хуҷанд чор бор, “Вахш”-и Қӯрғонтеппа, “Варзоб”-и Душанбе ва “Парвоз” (собиқ “Авиатор”)-и Бобоҷон Ғафуров дуборӣ, “Помир”-и Душанбе, “Ситора”-и Душанбе, “Равшан”-и Кӯлоб ва “Пахтакор”-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.

Соли гузашта дастаи “Хуҷанд” дар бозии ниҳоии Ҷоми Тоҷикистон, ки 2-юми декабр дар Варзишгоҳи марказии Душанбе баргузор шуд, тими “Истиқлол”-ро бо ҳисоби 2:0 шикаст дода буд.

Ҷоми Тоҷикистон-2018

Нимфинал. Бозиҳои ҷавобӣ

«Душанбе-83» - «Истиқлол» - 3:2

Голҳо: Элчибек Рашидбеков, 36 (1:0). Калеб Авуку, 39 (2:0). Артём Барановский, 49 (2:1). Артём Барановский, 58 ба дарвозаи худ (3:1). Ҷаҳонгир Абдумуъминов, 90+5 (3:2).

Сардовар: Абдурашид Муродов (Турсунзода).

21-уми октябр. Душанбе. Варзишгоҳи марказии ҷумҳуриявӣ. 500 тамошобин.

Бозии аввал - 1:3

«Хуҷанд» – «Регар-ТадАЗ» – 1:2

Голҳо: Фарҳод Тоҳиров, 24 (1:0). Ойбек Абдуғаффоров, 44 — аз пеналтӣ (1:1). Амирҷон Сафаров, 66 (1:2).

Сардовар: Насрулло Кабиров (Норак).

21-уми октябр. Хуҷанд. Варзишгоҳи «20-солагии Истиқлолияти Тоҷикистон». 5000 тамошобин.

Бозии аввал - 1:0

Шарҳҳоро бинед (7)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG