Пайвандҳои дастрасӣ

Хабари нав

Сафари мунтахаби ҷавонони Тоҷикистон ба Индонезия


Дастаи мунтахаби ҷавонони Тоҷикистон (U-19) бо раҳбарии сармураббӣ Мубин Эргашев барои гузаронидани ҷамъомади таълимию тамринӣ пеш аз мусобиқоти қаҳрамонии футболи Осиё-2018 рӯзи 9-уми октябр ба Индонезия сафар кард.

Дар мусобиқаи қаҳрамонии Осиё миёни ҷавонони зери 19-сола, ки аз 18-уми октябр то 4-уми ноябр дар Индонезия баргузор мешавад, дастаи мунтахаби ҷавонони Тоҷикистон дар гурӯҳи “D” бо тимҳои Чин (20-уми октябр), Малайзия (23-юми октябр) ва Арабистони Саудӣ (26-уми октябр) рақобат мекунад. Ҳамаи бозиҳо бо ширкати футболбозони ҷавони тоҷик дар варзишгоҳи “Патриот Сандрабага”-и шаҳри Бекаси доир мегардад.

Аз ҳар гурӯҳ дудастаӣ ба чорякфинал мебароянд. Агар мунтахаби ҷавонони Тоҷикистон ба даври чорякниҳоӣ роҳ ёбад, онгоҳ бо яке аз дастаҳои гурӯҳи “С” – Ветнам, Кореяи Ҷанубӣ, Австралия, Урдун – рӯбарӯ мешавад.

Чор дастаи беҳтарини қаҳрамонии Осиё-2018 дар Индонезия ба ҳаққи ширкат дар қаҳрамонии ҷаҳон (U-20), ки соли оянда дар Лаҳистон барпо мегардад, мушарраф мешавад.

Ба ҳайати дастаи мунтахаби ҷавонони Тоҷикистон (U-19) сармураббӣ Мубин Эргашев 23 бозигар – 3 дарвозабон, 9 ҳимоятгар, 8 нимҳимоятгар ва 3 ҳамлагарро дохил намудааст.

Ҳайати дастаи мунтахаби ҷавонони Тоҷикистон (U-19) барои иштирок дар марҳилаи ниҳоии қаҳрамонии Осиё-2018:

Дарвозабонҳо: Шоҳрух Қирғизбоев, Ҳомидҷон Исҳоқов (ҳарду аз «Барқчӣ»), Меҳвар Сулаймонов (бозигари озод);

Ҳимоятгарон: Алишер Баротов, Наимҷон Иброҳимзода (ҳарду аз «Хатлон»), Ҳусейн Нурматов, Султоншо Мирзоев, Ваҳдат Ханонов, Ҳувайдои Гулмурод, Оятулло Сафаров, Манучеҳр Сафаров, Маҳмадзарифи Абдураҳим (ҳама аз «Барқчӣ»);

Нимҳимоятгарон: Эҳсони Панҷшанбе («Истиқлол»), Кароматулло Саидов («Хатлон»), Шарафҷон Солеҳов, Абдулмуъмин Забиров, Саидмухтор Азимов, Шервонӣ Мабатшоев, Далер Ёдгоров, Зиёвуддин Фузайлов (ҳама аз «Барқчӣ»);

Ҳамлагарон: Шериддин Бобоев («Истиқлол»), Нуриддин Ҳамроқулов, Тоҳир Малодӯстов (ҳарду аз «Барқчӣ»).

Сармураббӣ - Мубин Эргашев.

Мусобиқоти қаҳрамонии Осиё-2018 миёни ҷавонон (U-19)
Гурӯҳи «D»

Даври 1-ум

20-уми октябр (шанбе)
14:00. Арабистони Саудӣ – Малайзия
17:00. Тоҷикистон – Чин

Даври 2-юм

23-юми октябр (сешанбе)
14:00. Чин – Арабистони Саудӣ
17:00. Малайзия – Тоҷикистон

Даври 3-юм

26-уми октябр (ҷумъа)
17:00. Арабистони Саудӣ – Тоҷикистон
17:00. Чин – Малайзия

Эзоҳ: замони оғози бозиҳо - бо вақти Душанбе

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG