Пайвандҳои дастрасӣ

Хабари нав

Мусобиқаи мунтахаби занонаи 5 кишвари Осиё дар Ҳисор


Марҳалаи аввали интихобии мусобиқаи қаҳрамонии футболи Осиё-2019 миёни духтарони зери 16-сола дар гурӯҳи «С» рӯзи шанбеи 15-уми сентябр дар Варзишгоҳи марказии шаҳри Ҳисор шуруъ мешавад.

Дастаи мунтахаби занонаи Тоҷикистон (U-16) дар гурӯҳи «С» барои дарёфти роҳхат ба даври баъдӣ бо тимҳои Тайланд, Эрон, Ҷазираҳои Мариани Шимолӣ ва Сингапур рақобат мекунад. Мусобиқаи интихобӣ дар ин гурӯҳ аз 15-ум то 23-юми сентябр дар Варзишгоҳи марказии шаҳри Ҳисор барпо мегардад.

Ба марҳилаи дувуми интихобии мусобиқаи қаҳрамонии Осиё-2019, ки аз 23-юми феврал то 3-юми марти соли оянда баргузор мешавад, ҳашт дастаи марҳилаи аввали интихобӣ – ғолибони шаш гурӯҳ ва ду дастаи беҳтарини ҷойҳои дувум – роҳ меёбанд.

Бояд гуфт, ки се дастаи беҳтарини мусобиқаи қаҳрамонии охирини Осиё – Кореяи Шимолӣ, Кореяи Ҷанубӣ ва Ҷопон – ба мусобиқаи қитъавӣ, ки соли оянда доир мешавад, мустақиман роҳхат гирифтанд.

Марҳалаи аввали интихобии қаҳрамонии Осиё-2019 миёни духтарони зери 16-сола:

Гурӯҳи «А»: Чин, Узбекистон, Урдун, Гуам, Шри-Ланка (мизбон).

Гурӯҳи «В»: Лаос, Ҳиндустон, Ҳонконг, Покистон, Муғулистон (мизбон).

Гурӯҳи «С»: Тайланд, Эрон, Ҷазираҳои Мариани Шимолӣ, Сингапур, Тоҷикистон (мизбон).

Гурӯҳи «D»: Австралия, Тайбэйи Чин, Қирғизистон (мизбон), Фаластин, Индонезия.

Гурӯҳи «Е»: Филиппин, Мянмар, Малайзия, Непал (мизбон), Сурия.

Гурӯҳи «F»: Бангладеш (мизбон), Ветнам, Имороти Муттаҳидаи Араб, Баҳрайн, Лубнон.

Тақвими бозиҳои гурӯҳи «С»

Даври 1-ум

15 сентябр (шанбе)

16:00 – Ҷазираҳои Мариани Шимолӣ – Эрон

19:00 – Тоҷикистон – Сингапур

Даври 2-юм

17 сентябр (душанбе)

16:00 – Сингапур – Тайланд

19:00 – Тоҷикистон – Ҷазираҳои Мариани Шимолӣ

Даври 3-юм

19 сентябр (чоршанбе)

16:00 – Эрон – Сингапур

19:00 – Тайланд – Тоҷикистон

Даври 4-ум

21 сентябр (ҷумъа)

16:00 – Ҷазираҳои Мариани Шимолӣ – Тайланд

19:00 – Эрон – Тоҷикистон

Даври 5-ум

16:00 – Сингапур – Ҷазираҳои Мариани Шимолӣ

19:00 – Тайланд – Эрон

Эзоҳ: ҳамаи бозиҳо дар Варзишгоҳи марказии шаҳри Ҳисор баргузор мешавад.

Шарҳҳоро бинед (2)

Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG