Бинобар бекифоятӣ ва хатар, 84 дар сади раҳбарони ширкатҳои Русия омодаанд аз саҳмияҳои худ даст кашанд. Чунин аст хулосаи таҳқиқоти ширкати мушовира ва аудити Ernst&Young, ки рӯзи 3-юми сентябр нашр шуд.
Таҳқиқоти "Барометри эътимоди ширкатҳо" моҳи марти соли 2018 анҷом шуд. Дар он 2 ҳазор мудирони кулл аз 43 кишвари дунё, бо шумули 60 раҳбари ширкатҳои Русия, аз соҳаи нафту газ, фулузот, саноати маъдан ва дигар бахшҳо иштирок карданд.
Бино ба назарпурсии Ernst&Young 51 дар сади онҳо сабаби омодагӣ барои даст кашидан аз саҳмияҳоро "хатари қатъ шудани фаъолият" унвон карданд. Аммо аксари онҳо "ташаннуҷи геополитикӣ"-ро аз таҳдидҳои аслии рушди бизнес гуфтанд.
