Дастаи мунтахаби футболи ҷавонони зери 21-солаи Тоҷикистон имрӯз, 1-уми сентябр, барои ширкат дар мусобиқаи байналмилалӣ, ки аз 4-ум то 8-уми сентябр дар шаҳри Кунмини Чин баргузор мешавад, сафар кард.
Ба иттилои Федератсияи футболи Тоҷикистон, футболбозони ҷавони тоҷик таҳти раҳбарии сармураббӣ Мубин Эргашев дар ин мусобиқаи байналмилалӣ бо ҳамсолонашон аз Узбекистон (4-уми сентябр), Чин (6-уми сентябр) ва Мянмар (8-уми сентябр) рақобат мекунанд.
Ширкат дар ин мусобиқаи байналмилалӣ барои мунтахаби ҷавонони Тоҷикистон (U-21) як давраи омодагии даста ба марҳалаи интихобии қаҳрамонии Осиё-2020, ки аз 18-ум то 26-уми марти соли оянда доир мегардад, маҳсуб мешавад.
Ба ҳайати дастаи мунтахаби ҷавонони Тоҷикистон (U-21) 22 бозигар аз шаш бошгоҳи лигаи олӣ дохил шудааст. Пеш аз сафар ба Чин мунтахаби ҷавонони Тоҷикистон бо яке аз дастаҳои пешсафи мусобиқоти имсолаи лигаи олии кишвар - «Кӯктош»-и ноҳияи Рӯдакӣ - бозии санҷишӣ анҷом дод. Ин бозӣ бо пирӯзии мунтахаби ҷавонони Тоҷикистон бо ҳисоби 2:0 хотима ёфт.
Ҳайати дастаи мунтахаби ҷавонони Тоҷикистон (U-21):
Дарвозабонҳо: Беҳрӯз Хайриев («Истиқлол»), Фатҳулло Бобоев («Хатлон»), Шоҳрух Қирғизбоев («Барқчӣ»);
Ҳимоятгарон: Алишер Баротов («Хатлон»), Доробҷон Эргашев (ССКА «Помир»), Табрези Давлатмир («Истиқлол»), Ҳусейн Нурматов, Оятулло Сафаров, Манучеҳр Сафаров, Маҳмадзарифи Абдураҳим (ҳама – «Барқчӣ»);
Нимҳимоятгарон: Муҳаммадҷон Раҳимов, Эҳсони Панҷшанбе (ҳарду – «Истиқлол»), Мунир Давлатбеков, Сорбон Авғонов (ҳарду – «Панҷшер»), Муҳсинҷон Абдуғаффоров (ССКА «Помир»), Далер Ёдгоров, Шарафҷон Солеҳов, Шервонӣ Мабатшоев, Абдулмуъмин Забиров (ҳама – «Барқчӣ»), Кароматулло Саидов («Хатлон»);
Ҳамлагарон: Амирҷон Сафаров («Регар-ТадАЗ»), Нуриддин Ҳамроқулов («Барқчӣ»).
Сармураббӣ – Мубин Эргашев.
Мусобиқаи байналмилалӣ дар Чин
Даври 1-ум
4 сентябр (сешанбе)
13:00 – Узбекистон (U-21) – Тоҷикистон (U-21)
16:35 – Чин (U-21) – Мянмар (U-21)
Даври 2-юм
6 сентябр (панҷшанбе)
13:00 – Мянмар (U-21) – Узбекистон (U-21)
16:35 – Тоҷикистон (U-21) – Чин (U-21)
Даври 3-юм
8 сентябр (шанбе)
12:00 – Тоҷикистон (U-21) – Мянмар (U-21)
15:35 – Чин (U-21) – Узбекистон (U-21)
Эзоҳ: замони оғози бозиҳо – ба вақти Душанбе.
