"Сипар" ба даври чорякниҳоии қаҳрамонии футзали Осиё роҳ наёфт

август 06, 2018

Нарзуллоҳи Латиф

Дастаи «Сипар»-и Хуҷанд, барандаи медалҳои нуқраи қаҳрамонии Тоҷикистон, дар бозии дувумаш дар мусобиқоти қаҳрамонии бошгоҳии Осиё-2018 оид ба футзал дар Индонезия аз тими «Бонки Бейрут», қаҳрамони Лубнон, бо ҳисоби 2:11 шикаст хӯрд.

Ёдовар мешавем, «Сипар» дар нахустин бозиаш низ дар ин мусобиқот дар гурӯҳи “D” рӯзи 2-юми август дар Индонезия аз тими «Мес Сунгун», қаҳрамони Эрон, бо ҳисоби 2:9 мағлуб шуда буд. Ба ин тартиб, баъди бохти дувум “Сипар” аз ҳаққи ширкат дар даври чорякниҳоии қаҳрамонии футзали Осиё маҳрум гашт.

“Сипар” дар даври охирини мусобиқот дар гурӯҳи “D” имрӯз, 6-уми август, бо дастаи АГМК (Узбекистон) рақобат мекунад. Футзалистони Узбекистон низ ба мисли хуҷандиҳо дар ҳарду бозӣ ноком шудаанд.

Дастаҳои «Мес Сунгун» ва «Бонки Бейрут», ки бо шашимтиёзӣ дар гурӯҳи “D” пешсафанд, ба даври чорякниҳоӣ роҳ ёфтанд. Дар бозии даври охирин миёни ин ду даста ғолиби гурӯҳ маълум хоҳад шуд.

Мусобиқоти қаҳрамонии футзали Осиё-2018

Гурӯҳи «D»

Даври 1-ум

«Мес Сунгун» (Эрон) – «Сипар» (Тоҷикистон) – 9:2

Голҳои «Сипар»: Рустам Ҳамидов, Собирҷон Гулаков.

«Бонки Бейрут» (Лубнон) – АГМК (Узбекистон) – 4:1

Даври 2-юм

«Сипар» (Тоҷикистон) – «Бонки Бейрут» (Лубнон) – 2:11

Голҳои «Сипар»: Шерзод Ҷумъаев, Умед Қузиев.

АГМК (Узбекистон) – «Мес Сунгун» (Эрон) – 1:9

Мавқеи дастаҳо дар ҷадвали мусобиқоти гурӯҳи “D”

Ҷ	ДАСТАҲО	Б	Ғ	М	Б	Т	И
1	«Мес Сунгун» (Эрон)	2	2	0	0	18-3	6
2	«Бонки Бейрут» (Лубнон)	2	2	0	0	15-3	6
3	АГМК (Узбекистон)	2	0	0	2	2-13	0
4	«Сипар» (Тоҷикистон)	2	2	0	2	4-20	0

Даври 3-юм

6-уми август (душанбе)

АГМК (Узбекистон) – «Сипар» (Тоҷикистон)

«Мес Сунгун» (Эрон) – «Бонки Бейрут» (Лубнон)

Дар мусобиқоти қаҳрамонии бошгоҳии Осиё-2018 оид ба футзал, ки дар Индонезия то рӯзи 12-уми август идома меёбад, 16 даста дар чаҳор гурӯҳ рақобат дорад:

Гурӯҳи «А»: «Вамос» (Индонезия), «Нагоя Оушенс» (Ҷопон), «Далян Юан» (Чин), «Виктория Университет» (Мянмар).

Гурӯҳи «В»: «Тай Сон Нам» (Ветнам), «Ал-Дафра» (Имороти Муттаҳидаи Араб), «Нафит Ал-Васат» (Ироқ), «Jeonju MAG» (Кореяи Ҷанубӣ).

Гурӯҳи «С»: «Чонбури Блувейв» (Тайланд), «Ал-Саилия» (Қатар), «Ерем» (Қирғизистон), «Вик Вайперс» (Австралия).

Гурӯҳи «D»: «Мес Сунгун» (Эрон), «Бонки Бейрут» (Лубнон), АГМК (Узбекистон), «Сипар» (Тоҷикистон).

Баъди натиҷагирии марҳилаи гурӯҳӣ аз ҳар гурӯҳ ду дастаи беҳтарин муборизаро дар даври чорякниҳоӣ идома медиҳанд. Баъдан бозиҳо аз рӯи системи олимпӣ баргузор мешаванд.

Мавқеи дастаҳо дар ҷадвали мусобиқоти се гурӯҳи дигар чунин аст:

Гурӯҳи «А»

Ҷ	Дастаҳо	Б	Ғ	М	Б	Т	И
1	«Нагоя Оушенс» (Ҷопон)	2	2	0	0	10-1	6
2	«Вамос Матарам» (Индонезия)	2	1	1	0	11-4	4
3	«Далян Юан» (Чин)	2	0	1	1	4-9	1
4	«Виктория Университет» (Мянмар)	2	0	0	2	1-12	0

Даври 3-юм

5-уми август (якшанбе)

«Вамос Матарам» (Индонезия) – «Нагоя Оушенс» (Ҷопон)

«Далян Юан» (Чин) – «Виктория Университет» (Мянмар)

Гурӯҳи «В»

Ҷ	ДАСТАҲО	Б	Ғ	М	Б	Т	И
1	«Ал-Дафра» (Иморот)	2	1	1	0	10-3	4
2	«Нафт Ал-Васат» (Ироқ)	2	1	1	0	5-4	4
3	«Тай Сон Нам» (Ветнам)	2	1	0	1	13-5	3
4	«Чонҷу МАГ» (Кореяи Ҷанубӣ)	2	0	0	2	3-19	0

Даври 3-юм

5-уми август (якшанбе)

«Тай Сон Нам» (Ветнам) – «Ал-Дафра» (Иморот)

«Нафт Ал-Васат» (Ироқ) – «Чонҷу МАГ» (Кореяи Ҷанубӣ)

Гурӯҳи«С»

Ҷ	ДАСТАҲО	Б	Ғ	М	Б	Т	И
1	«Чонбури Блувейв» (Тайланд)	2	2	0	0	14-3	6
2	«Ерем» (Қирғизистон)	2	1	0	1	5-6	3
3	«Ал-Саилия» (Қатар)	2	1	0	1	5-6	3
4	«Вик Вайперс» (Австралия)	2	0	0	2	4-13	0