Ҷоми ҷаҳонии Русия -- шикасти Эрон аз Испания

Июн 21, 2018

Амриддин Олимов

Дар марҳилаи дуюми даври гурӯҳии Ҷоми ҷаҳон-2018 шоми 20-уми июн мунтахаби Испания бо тими милии Эрон бозӣ кард. Бозӣ бо ҳисоби 1-0 ба фоидаи Испаниҳо ба анҷом расид. Голи ягонаро дар ин бозӣ ба номи ҳамлагари дастаи Испания Диего Коста сабт карданд. Дар пайи ҳамлаи бозигарони испанӣ ҳимоятгари дастаи Эрон хост тӯбро аз ҷаримагоҳашон берун кунад, вале тӯб ба пои Диего Коста бархӯрда, вориди дарвозаи Бейранванд шуд.

Тими Эрон дар сурати ғалабааш ба мунтахаби Португалия дар марҳилаи сеюми даври гурӯҳӣ метавонад ба марҳилаи якҳаштниҳоӣ роҳ ёбад.

Дар дақиққаи 62-юми бозӣ ҳамлагари эронӣ Саид Изатуллоҳӣ ба дарвозаи мунтахаби Испания гол зад, вале довари бозӣ Андрес Куняи уругвайӣ баъди тамошои навор голро ҳисоб накард. Ба андешаи довари марказ, гол аз ҳолати ғайрибозӣ ё оффсайд зада шудааст.

То охири бозӣ футболбозони эронӣ талош карданд ҳисобро тағйир диҳанд. Дар дақиққаҳои охир чанд ҳамла анҷом доданд вале ба онҳо муяссар нашуд, ки тӯбро вориди дарвозаи Давид де Хеа кунанд.

Дар бозии дигари гурӯҳи В тимҳои Португалия ва Марокаш дидор анҷом доданд. Дар дақиқаи чоруми ин қувваозмоӣ Криштиану Роналдо тӯбро ба ҳадаф расонд. Ин голи чорум Роналдо дар Ҷоми ҷаҳони футбол аст ва миёни беҳтарин нишонзанҳо дар мақоми аввал қарор гирифтааст. Нимҳимоятдгари тими милии Русия Денис Черишев ва ҳамлагари мунтахаби Испания бо задани се голӣ мутаносибан мақомҳои дуюм ва сеюмро ишғол кардаанд.

Embed

Ҳаёҳуи мухлисони дастаи Эрон дар Қазон

Феълан кор намекунад

0:00 0:01:17 0:00

Баъди анҷоми марҳилаи дуюм дар гурӯҳи В мунтахабҳои Испания ва Португалия дар мақомҳои якум ва дуюм қарор гирифтанд. Тими милии Эрон баъди ғалабааш бар тими Марокаш дар марҳилаи аввал соҳиби се имтиёз шуд ва дар ҷойи сеюм қарор дорад. Мунтахаби Марокаш бо ду бохт бидуни имтиёз дар мақоми охир аст ва ҳеҷ шонсе барои роҳ ёфтан ба даври баъдӣ надорад

Тими мунтахаби Эрон дар таърихи худ маротибаи панҷум аст, ки дар бозиҳои ниҳоии Ҷоми ҷаҳон иштирок мекунанд. Дар чаҳор мусобиқоти қабӣ натавонистааст, ки аз гурӯҳаш барояд.

Тими Эрон дар сурати ғалабааш ба мунтахаби Португалия дар марҳилаи сеюми даври гурӯҳӣ метавонад ба марҳилаи якҳаштниҳоӣ роҳ ёбад. Ин бозӣ рӯзи 25-уми июн дар варзишгоҳи “Мордовия арена”-и шаҳри Саранск баргузор мегардад.