Футболбозони навраси тоҷик ба Сербия мераванд

Дастаи мунтахаби наврасони футболи Тоҷикистон дар доираи омодагӣ ба марҳилаи ниҳоии қаҳрамонии Осиё-2018 миёни бозигарони то 16-сола дар мусобиқаи байналмилалӣ дар Сербия ширкат хоҳад кард.

Ба иттилои дафтари матбуоти Федератсияи футболи Тоҷикистон, дар ин мусобиқа, ки дар тамрингоҳи мунтахаби Сербия, дар шаҳрчаи Стара-Пазоваи наздики Белград барпо мегардад, тимҳои мунтахаби наврасони Сербия, Тоҷикистон, Урдун ва Ҳиндустон иштирок мекунанд.

Футболбозони навраси тоҷик нахустин бозиашонро дар ин мусобиқа рӯзи 9-уми май муқобили ҳамсолони худ аз Сербия анҷом медиҳанд. Шогирдони Зайниддин Раҳимов 11-уми май бо тими Урдун ва 13-уми май бо дастаи Ҳиндустон вориди рақобат мешаванд.

Мусобиқаи байналмилалӣ дар Сербия

Даври 1-ум

9 май (чоршанбе)

19:00 – Ҳиндустон – Урдун

22:00 – Тоҷикистон – Сербия

Даври 2-юм

11 май (ҷумъа)

19:00 – Тоҷикистон – Урдун

22:00 – Сербия – Ҳиндустон

Даври 3-юм

13 май (якшанбе)

19:00 – Ҳиндустоня – Тоҷикистон

22:00 – Сербия – Урдун

Эзоҳ: замони оғози бозиҳо – ба вақти Душанбе.

Мусобиқаи қаҳрамонии Осиё-2018 миёни бозигарони то 16-сола аз 20-уми сентябр то 7-уми октябр дар Малайзия бо ширкати 16 даста барпо мегардад. Бар асоси қуръакашӣ футболбозони навраси тоҷик дар гурӯҳи “А” бо тимҳои мунтахаби наврасони Малайзия, Ҷопон ва Тайланд рақобат мекунанд.

Дастаи мунтахаби наврасони Тоҷикистон нахустин бозиашро рӯзи 20-уми сентябр дар Варзишгоҳи миллии Куала-Лумпур бо ҳамсолони худ аз Малайзия анҷом медиҳад. Дар даври дувуми мусобиқа 23-юми сентябр бо тими Ҷопон вориди рақобат мешавад. Бозии даври севумро дар марҳилаи гурӯҳӣ дастаи Тоҷикистон 26-уми сентябр бо тими Тайланд баргузор мекунад.

Дастаҳо ба чаҳор гурӯҳ тақсим шудаанд, ки ҳар як гурӯҳ аз чаҳор даста иборат аст. Аз рӯи натиҷагирии сабқати гурӯҳӣ аз ҳар гурӯҳ ду дастаи беҳтарин ба чорякфинал мебароянд ва минбаъд мусобиқа аз рӯи системи олимпӣ сурат мегирад, яъне дастаи мағлубшуда аз ҳаққи идомаи мубориза маҳрум мешавад.

Дар мавриди роҳ ёфтан ба чорякфинали қаҳрамонии Осиё-2018 мунтахаби наврасони Тоҷикистон бо яке аз дастаҳои гурӯҳи «В» (Кореяи Шимолӣ, Умон, Яман ва Урдун) бозӣ мекунад.

Бояд гуфт, ки чаҳор дастаи беҳтарини мусобиқаи қаҳрамонии Осиё-2018 ба мусобиқаи қаҳрамонии ҷаҳон-2019 (U-17), ки дар Перу доир хоҳад шуд, роҳхат мегирад.

Зимнан, дар тамоми таърихи худ мунтахаби наврасони Тоҷикистон барои бори севум аст, ки ба марҳилаи ниҳоии қаҳрамонии Осиё роҳ ёфтааст. Аз ин пеш футболбозони навраси тоҷик солҳои 2006 ва 2010 дар марҳилаи ниҳоии қаҳрамонии Осиё иштирок кардаанд. Мунтахаби наврасони Тоҷикистон соли 2006 дар қаҳрамонии Осиё дар Сингапур бо медалҳои биринҷӣ мукофотонида шуд ва соҳиби роҳхат ба қаҳрамонии ҷаҳон-2007 гардид.

Таркиби гурӯҳҳои мусобиқаи қаҳрамонии Осиё-2018 миёни дастаҳои мунтахаби наврасон (U-16):

Гурӯҳи «А»: Малайзия, Ҷопон, Тайланд, Тоҷикистон.

Гурӯҳи «В»: Кореяи Шимолӣ, Умон, Яман, Урдун.

Гурӯҳи «С»: Эрон, Ветнам, Ҳиндустон, Индонезия.

Гурӯҳи «D»: Ироқ, Кореяи Ҷанубӣ, Австралия, Афғонистон.

Тақвими бозиҳои гурӯҳи “А”

Даври 1-ум

20 сентябр (панҷшанбе)

16:30 – Малайзия – Тоҷикистон. Варзишгоҳи миллӣ

20:45 – Ҷопон – Тайланд. Варзишгоҳи «UM Arena»

Даври 2-юм

23 сентябр (якшанбе)

16:30 – Тайланд – Малайзия. Варзишгоҳи миллӣ

20:45 – Тоҷикистон – Ҷопон. Варзишгоҳи «UM Arena»

Даври 3-юм

26 сентябр (чоршанбе)

16:30 – Малайзия – Ҷопон. Варзишгоҳи миллӣ

16:30 – Тайланд – Тоҷикистон. Варзишгоҳи «UM Arena»

Чорякфинал

30 сентябр (якшанбе)

16:30 – 1 «А» – 2 «В». Варзишгоҳи миллӣ

20:45 – 1 «В» – 2 «А». Варзишгоҳи «Петалинг-Ҷая»

1 октябр (душанбе)

16:30 – 1 «С» – 2 «D». Варзишгоҳи «UM Arena»

20:45 – 1 «D» – 2 «С». Варзишгоҳи «Петалинг-Ҷая»

Нимфинал

4 октябр (панҷшанбе)

16:30 – Ғолиби 1 «А»/2 «В» – Ғолиби 1 «С»/2 «D». Варзишгоҳи миллӣ

20:45 – Ғолиби 1 «В»/2 «А» – Ғолиби 1 «D»/2 «С». Варзишгоҳи «Петалинг-Ҷая»

Финал

7 октябр (якшанбе)

20:45 – Варзишгоҳи милл