Пайвандҳои дастрасӣ

Хабари нав

"Реал" ба финали Лигаи қаҳрамонҳои УЕФА роҳ ёфт


Тими «Реал»-и Мадрид, ки бозии ҷавобии ниманиҳоиро рӯзи 1-уми май дар майдони худ бо дастаи «Бавария»-и Мюнхен бо ҳисоби мусовии 2:2 анҷом дод, аз рӯи натиҷаҳои ду бозӣ барои севумин бор паиҳам ба финали Лигаи қаҳрамонҳои УЕФА баромад.

Дар бозии ҷавобӣ ду голи мизбононро Карим Бензема ба самар расонд. Голҳои меҳмононро Ҷошуа Киммих ва Хамес Родригес заданд.

Ба ин тартиб, «Реал» бо раҳбарии Зинедин Зидан барои бори ҳафтум ба финали Лигаи қаҳрамонҳо роҳ ёфт. Ӯ аз рӯи ин нишондод рекорд гузошт. Тимҳои итолиёвии «Милан» ва «Ювентус» шашборӣ дар финали Лигаи қаҳрамонҳо ширкат кардаанд.

“Реал” 12 бор барандаи Ҷоми Лигаи қаҳрамонҳо гардидааст, аз он ҷумла дар панҷ соли ахир се бор ( солҳои 2013, 2016 ва 2017) дар ин мусобиқот ғолиб шудааст.

Дар бозии ниҳоии мавсими имсола «Реал» бо ғолиби ҷуфти «Рома»-и Италия ва «Ливерпул»-и Англия рақобат мекунад. Дар бозии аввал “Ливерпул” дар майдони худ бо ҳисоби 5:2 пирӯз шудааст. Бозии ҷавобӣ имрӯз, 2-юми май, дар Рим доир мешавад.

Лигаи қаҳрамонҳо

1/2 финал

Бозии ҷавобӣ

“Реал” (Мадрид, Испания) – “Бавария” (Мюнхен, Олмон) - 2:2 (1:1, 1:1)

Сана ва макони баргузорӣ:

1 май, Мадрид, варзишгоҳи «Сантяго Бернабеу»

Голҳо: Киммих, 3 (0:1), Бензема, 11 (1:1), Бензема, 46 (2:1), Хамес, 63 (2:2)

“Реал”- Мадрид:

Навас, Васкес, Варан, Рамос, Марсело, Модрич, Ковачич (Каземиро, 73), Кроос, Асенсио (Начо, 88), Бензема (Бэйл, 72), Роналду.

“Бавария”- Мюнхен: Улрайх, Киммих, Зюле, Хуммелс, Алаба, Алкантара, Мюллер, Толиссо (Вагнер, 75), Хамес (Мартинес, 84), Рибери, Левандовски.

Огоҳонида шуданд:

Модрич (62), Васкес (65), Варан (88), Каземиро (89).

Бозии аввал: 2:1

Назари хонандагон

Шарҳи нав расид
Идома
XS
SM
MD
LG