Пайвандҳои дастрасӣ

Хабари нав

Мунтахаби ҷавонони Тоҷикистон (U-19) дар Шарҷа омодагӣ мебинад


Дастаи мунтахаби ҷавонони Тоҷикистон, ки аз ҳисоби бозигарони то 19-сола таркиб ёфтааст, дар доираи омодагӣ ба марҳилаи ниҳоии мусобиқаи қаҳрамонии футболи Осиё-2018 дар шаҳри Шарҷаи Имороти Муттаҳидаи Араб ба ҷамъомади таълимиву тамринӣ шуруъ намуд.

Ба иттилои дафтари матбуоти Федератсияи футболи Тоҷикистон, ба ин ҷамъомад, ки то рӯзи 15-уми апрел идома хоҳад кард , сармураббии даста Мубин Эргашев 23 бозигарро даъват кардааст. Мунтахаби ҷавонони Тоҷикистон (U-19) дар Шарҷа гузаронидани ду бозии дӯстонаро бо ҳамсолони худ аз Имороти Муттаҳидаи Араб ба нақша гирифтааст. Бозии аввал имрӯз, 11-уми апрел ва бозии ҷавобӣ 14-уми апрел баргузор мешаванд.

Бояд гуфт, ки мусобиқаи қаҳрамонии Осиё-2018 миёни дастаҳои мунтахаби то 19-сола аз 18-уми октябр то 4-уми ноябр дар шаҳрҳои Ҷакарта, Бекаси, Сикаранг, Сибинонг ва Бандунги Индонезия баргузор мешаванд. Рақибони мунтахаби Тоҷикистон дар сабқати гурӯҳӣ ибтидои моҳи май, замоне ки қуръакашии марҳилаи ниҳоии мусобиқа барпо мегардад, маълум хоҳанд шуд.

Ҳайати дастаи мунтахаби ҷавонони Тоҷикистон (U-19) дар ҷамъомади таълимиву тамринӣ дар Шарҷаи Имороти Муттаҳидаи Араб:

Дарвозабонҳо: Ҳомидҷон Исоқов, Далер Азизов, Шоҳрух Қирғизбоев (ҳарсе – «Барқчӣ»);

Ҳимоятгарон: Султоншо Мирзоев, Ҳусейн Нурматов, Ваҳдат Ханонов, Манучеҳр Сафаров, Ҳувайдои Гулмурод, Оятулло Сафаров, Зиёвуддин Фузайлов (ҳама – «Барқчӣ»), Алишер Баротов («Хатлон»);

Нимҳимоятгарон: Сорбон Авғонов («Панҷшер»), Кароматулло Саидов («Хатлон»), Саидмухтор Азимов, Шервонӣ Мабатшоев, Тоҳир Малодӯстов, Далер Ёдгоров, Абдулмуъмин Забиров, Маҳмадзарифи Абдураҳим (ҳама – «Барқчӣ»), Шарафҷон Солеҳов (ССКА «Помир»);

Ҳамлагарон: Нуриддин Ҳамроқулов, Шаҳром Самиев, Атҳамҷон Абдуллоев (ҳарсе – «Барқчӣ»).

Сармураббӣ – Мубин Эргашев.

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG