Хокитсари ҷасади донишманди физикаи назариявӣ Стивен Ҳокинро дар назди гӯри Нютон ва Дарвин, воқеъ дар хонақоҳи Вестминстерск ба хок месупоранд. Дар ин бора намояндагони хонақоҳ дар твиттер хабар доданд.
"Муҳим аст, ки мазҳаб ва илм якҷо ҳамкорӣ кунанд, то ба ҳалли асрори бузурги азал даст ёбанд",- гуфт падари муқаддас Ҷон Ҳолл.
Ҳамзамон, маросими ҷанозаи Ҳокинг рӯзи 31 март дар Кебриҷ, маконе, ки ин донишманд беш аз 50 сол кору зиндагӣ кардааст, баргузор мешавад.
Стивен Ҳокинг рӯзи 14 март, дар синни 76-солагӣ дар маҳалли зисташ, воқеъ дар Кембриҷ даргузашт.
Стивен Ҳокинг - асосгузори кайҳономӯзии квантӣ, назарияи пайдоиши ҷаҳон дар пайи таркиши Бузургро омӯхт ва дар робита ба “чолаҳои сиёҳ” бисёр кашфиёт кардааст. Соли 1979 ӯ баландтарин мақоми академикӣ дар Донишгоҳи Кембриҷро ба даст овард. Китоби Стивен Ҳокинг “Таърихи кӯтоҳи замон”, чопи соли 1988, пурфурӯштарин китоб шуд ва ба муаллифаш шӯҳрати ҷаҳонӣ овард.
Аввалҳои соли 1960 Ҳокинг дар пайи бемории “склерози амфиоторофӣ” фалаҷ шуд. Сарфи назар аз пешгӯии табибон, ӯ бо ин маризӣ 50 соли дигар умр дид. Аз тамоми мушакҳо танҳо мушаки рӯяш фаъол буд ва ӯ ба воситаи сентизатори нутқ сӯҳбат мекард.
