Пайвандҳои дастрасӣ

Пешсафии "Хуҷанд" ва "Кӯктош" дар мусобиқоти Лигаи олии Тоҷикистон


Баъди натиҷагирии бозиҳои даври дувуми мусобиқоти қаҳрамонии футболи Тоҷикистон миёни дастаҳои лигаи олӣ, ки рӯзҳои 16-18-уми март баргузор шуданд, дар ҷадвал тимҳои “Хуҷанд”-и шаҳри Хуҷанд ва “Кӯктош”-и ноҳияи Рӯдакӣ пешсафанд.

Дастаи “Хуҷанд”, ки дар майдони худ тими “Хатлон”-и Бохтарро бо ҳисоби 2:1 мағлуб кард, бо 4 имтиёз дар ҷадвали мусобиқот дар мақоми аввал қарор гирифт.

Тими нави лигаи олӣ - «Кӯктош» - низ 4 имтиёз ба даст овардааст. Вале бо назардошти таносуби тӯбҳо “Кӯктош” мақоми дувумро касб намудааст. Футболбозони ноҳияи Рӯдакӣ дар даври дувум бозиро бо тими «Регар-ТадАЗ»-и шаҳри Турсунзода дар Варзишгоҳи марказии Ҳисор бо ҳисоби мусовии 1:1 анҷом доданд.

Инчунин бозии дигари даври аввали мусобиқот миёни дастаҳои “Панҷшер”-и ноҳияи Ҷалолиддини Балхӣ ва ССКА “Помир”-и Душанбе, ки дар Варзишгоҳи марказии ҷумҳуриявӣ баргузор шуд, бо ҳисоби мусовии 1:1 ба поён расид.

Ба иттилои дафтари матбуоти Федератсияи футболи Тоҷикистон, бинобар ширкати дастаи мунтахаби кишвар дар бозии охирини мусобиқоти интихобии Ҷоми Осиё-2019 муқобили тими миллии Филиппин, ки 27-уми март дар Манила барпо мегардад, дар мусобиқоти қаҳрамонии кишвар ду ҳафта танаффус эълон шудааст. Бозиҳои даври севуми мусобиқоти лигаи олӣ рӯзҳои 31-уми март ва 1-уми апрел баргузор мешаванд.

Мусобиқоти қаҳрамонии Тоҷикистон. Лигаи олӣ

Даври 2-юм

«ХУҶАНД» – «ХАТЛОН» – 2:1

Гол: Агблей Ҷонс, 38 (1:0). Манучеҳр Аҳмадов, 67 – аз пеналтӣ (2:0). Наврӯз Рустамов, 90+3 – аз пеналтӣ (2:1).

Огоҳонида шуданд: Хуршед Бекназаров, Далерҷон Тухтасунов («Хуҷанд»), Далер Шомуродов, Холмурод Назаров («Хатлон»).

Бозигари беҳтарини дидор: Бахтиёр Чориев («Хуҷанд»).

Сардовар: Беҳрӯз Муртазоев (Душанбе).

16-уми март. Хуҷанд. Варзишгоҳи «20-солагии Истиқлолияти Тоҷикистон». 1500 тамошогар.

«ПАНҶШЕР» ССКА «ПОМИР» – 1:1

Голҳо: Фаррух Фузайлов, 61 (1:0). Абдухалил Боронов, 90+3 (1:1).

Огоҳонида шуданд: Маҳмуд Ғаюров, Сорбон Авғонов, Хайриддин Турахонов («Панҷшер»).

Бозигари беҳтарини дидор: Абдулатиф Тоҷиаҳмадов («Панҷшер»).

Сардовар: Насрулло Кабиров (Норак).

17-уми март. Душанбе. Варзишгоҳи марказии ҷумҳуриявӣ. 800 тамошогар.

«КӮКТОШ» – «РЕГАРАДАЗ» – 1:1

Голҳо: Фирӯз Қараев, 32 (0:1). Муҳаммадшарифи Саидхоҷа, 35 (1:1).

Огоҳонида шуданд: Сироҷиддин Аллаев, Саидхони Амрохон («Регар-ТадАЗ»).

Бозигари беҳтарини дидор: Муҳаммадшарифи Саидхоҷа («Кӯктош»).

Сардовар: Сайвалӣ Турдиев (Вахш).

18-уми март. Ҳисор. Варзишгоҳи марказӣ. 1000 тамошгар.

Мавқеи дастаҳо дар ҷадвали мусобиқот

Ҷ

ДАСТАҲО

Б

Ғ

М

Б

Т

И

1

«Хуҷанд» (Хуҷанд)

2

1

1

0

5-4

4

2

«Кӯктош» (Рӯдакӣ)

2

1

1

0

3-2

4

3

«Истиқлол» (Душанбе)

1

1

0

0

3-1

3

4

ССКА «Помир» (Душанбе)

2

0

2

0

4-4

2

5

«Регар-ТадАЗ» (Турсунзода)

2

0

2

0

1-1

2

6

«Барқчӣ» (Ҳисор)

1

0

1

0

0-0

1

7

«Панҷшер» (Ҷалолиддини Балхӣ)

2

0

1

1

2-3

1

8

«Хатлон» (Бохтар)

2

0

0

2

2-5

0

Нишонзанҳо: Шериддин Бобоев («Истиқлол»), Агблей Ҷонс, Манучеҳр Аҳмадов (ҳарду – «Хуҷанд»), Наврӯз Рустамов («Хатлон»), Абдухалил Боронов (ССКА «Помир») – 2-тӯбӣ.

Даври 3-юм

31-уми март (шанбе)

Оғози бозиҳосоати 15:30

ССКА «Помир» – «Кӯктош»

«Хатлон» – «Панҷшер»

1-уми апрел (якшанбе)

Оғози бозиҳосоати 15:30

«Барқчӣ» – «Хуҷанд»

«Регар-ТадАЗ» – «Истиқлол»

Назари хонандагон

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG