Пайвандҳои дастрасӣ

Хабари нав

Тоҷикистон бозии қаҳрамонии Осиёро ба Узбекистон бохт


Дастаи мунтахаби Тоҷикистон дар бозии дувумаш дар мусобиқоти қаҳрамонии футзали Осиё дар Тайбэйи Чин аз тими миллии Узбекистон бо ҳисоби 2:4 шикаст хӯрд ва аз ҳаққи иштирок дар даври чорякниҳоӣ маҳрум шуд.

Мунтахаби Узбекистон, ки дар ҳарду бозиаш пирӯз шудааст, дар ҷадвали гурӯҳи “В” бо 6 имтиёз мақоми аввалро касб кард

Бозии даври дувуми сабқати гурӯҳи “А” рӯзи 3-юми феврал дар маҷмааи варзишии University of Taipei Gymnasium барпо гардид. Голҳои мунтахаби Тоҷикистонро Умед Қузиев ва Дилшод Саломов заданд.

  • Гурӯҳи «В». Даври 2-юм
  • Тоҷикистон – Узбакистан – 2:4
  • Голҳо: Дилшод Раҳматов, 9 (0:1). Даврон Чориев, 12 (0:2). Умед Қузиев, 18 (1:2). Машраб Одилов, 26 (1:3). Даврон Чориев, 37 (1:4). Дилшод Саломов, 39 – дабл-пеналтӣ (2:4).

Ёдовар мешавем, дастаи мунтахаби футзали Тоҷикистон таҳти раҳбарии сармураббӣ Ҳусейн Шодиев рӯзи 1-уми феврал дар аввалин бозиаш дар мусобиқоти қаҳрамонии Осиё дар Тайбэйи Чин аз тими миллии Ҷопон, қаҳрамони секаратаи Осиё, бо ҳисоби 2:4 шикаст хӯрда буд.

Ба ин тартиб, мунтахаби Узбекистон, ки дар ҳарду бозиаш пирӯз шудааст, дар ҷадвали гурӯҳи “В” бо 6 имтиёз мақоми аввалро касб кардт. Дастаи Узбекистон сарфи назар аз натиҷаи бозии охиринаш бо мунтахаби Ҷопон, ки 5-уми феврал барпо мегардад, ба чорякфинал баромад.

Роҳхати дувумро ба даври чорякниҳоии мусобиқот мунтахаби Ҷопон, ки бо 6 имтиёз дар мақоми дувум қарор гирифтааст, соҳиб шуд. Қаҳрамони секарати Осиё имрӯз дастаи Кореяи Ҷанубиро бо ҳисоби 5:2 шикаст дод.

Мавқеи дастаҳо дар ҷадвали гурӯҳи “В” чунин аст:

1. Узбекистон – 2 бозӣ, 6 имтиёз (таносуби тӯбҳо 17-4). 2. Ҷопон – 2 бозӣ, 6 имтиёз (9-4). 3. Тоҷикистон – 2 бозӣ, 0 имтиёз (4-8). 4. Кореяи Ҷанубӣ – 2 бозӣ, 0 имтиёз (4-18).

Мусобиқоти қаҳрамонии футзали Осиё, ки дар Тайбэйи Чин 1-уми феврал шуруъ шуд, то рӯзи 11-уми феврал идома хоҳад кард. Мунтахаби Тоҷикистон бозии охиринашро дар гурӯҳи «В» рӯзи душанбе, 5-уми феврал, бо мунтахаби Кореяи Ҷанубӣ анҷом медиҳад.

Таркиби гурӯҳҳои мусобиқоти қаҳрамонии футзали Осиё-2018:

Гурӯҳи «А»: Тайбэйи Чин, Ветнам, Малайзия, Баҳрайн.

Гурӯҳи «В»: Узбекистон, Ҷопон, Тоҷикистон, Кореяи Ҷанубӣ.

Гурӯҳи «С»: Эрон, Ироқ, Чин, Мянмар.

Гурӯҳи «D»: Тайланд, Қирғизистон, Лубнон, Урдун.

Тақвими бозиҳо

Даври 1-ум

1 феврал (панҷшанбе)

Ҷопон – Тоҷикистон – 4:2

Ветнам – Малайзия – 1:2

Узбекистон – Кореяи Ҷанубӣ – 13:2

Тайбэйи Чин – Баҳрайн – 2:2

2 феврал (ҷумъа)

Ироқ – Чин – 4:2

Қирғизистон – Лубнон - 2:2

Эрон – Мянмар – 14:0

Тайланд – Урдун – 5:1

Даври 2-юм

3 феврал (шанбе)

Кореяи Ҷанубӣ – Ҷопон – 2:5

Баҳрайн – Ветнам – 1:2

Тоҷикистон – Узбекистон – 2:4

Малайзия – Тайбэйи Чин – 4:5

4 феврал (якшанбе)

Мянмар – Ироқ

Урдун – Қирғизистон

Чин – Эрон

Лубнон – Тайланд

Даври 3-юм

5 феврал (душанбе)

Узбекистон – Ҷопон

Тоҷикистон – Кореяи Ҷанубӣ

Малайзия – Баҳрайн

Тайбэйи Чин – Ветнам

6 феврал (сешанбе)

Эрон – Ироқ

Чин – Мянмар

Тайланд – Қирғизистон

Лубнон – Урдун

Чорякфинал

8 феврал (панҷшанбе)

1 «D» – 2 «С»

1 «С» – 2 «D»

1 «В» – 2 «А»

1 «А» – 2 «В»

Нимфинал

9 феврал (ҷумъа)

Ғолиби 1 «D»/2 «С» – Ғолиби 1 «В»/2 «А»

Ғолиби 1 «С»/2 «D» – Ғолиби 1 «А»/2 «В»

11 феврал (якшанбе)

Бозӣ барои ҷойи сеюм

ФИНАЛ

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG