Пайвандҳои дастрасӣ

“ДИСИ Инвест” қаҳрамони чоркаратаи футзали Тоҷикистон шуд


Мавсими имсолаи лигаи касбии футзали Тоҷикистон бо пирӯзии дастаи «ДИСИ Инвест»-и Душанбе ба поён расид. «ДИСИ Инвест», ки бори чаҳорум қаҳрамони Тоҷикистоншуд, ба ҳаққи ширкат дар мусобиқоти қаҳрамонии бошгоҳии Осиё-2018 мушарраф гардид.

«ДИСИ Инвест» аз 28 бозӣ дар 26-тоаш ғолиб омада, танҳо дар ду дидор мағлуб шуд ва бо 78 имтиёз мақоми аввалро касб намуд. Душанбегиҳо бо медалҳои тиллои мусобиқоти қаҳрамонии футзали Тоҷикистон мукофотонида мешаванд.

Медалҳои нуқра барои аввалин бор насиби дастаи «Сипар»-и шаҳри Хуҷанд гардид. Ин даста, ки 65 имтиёз дорад, мақоми дувумро азони худ кард.

Ду даста – «Равшан»-и Кӯлоб ва «Соро компания»-и Душанбе - 55-имтиёзӣ гирифтанд. Аз рӯи натиҷаҳои бозиҳои миёни ҳарду «Равшан» мақоми севумро соҳиб шуд ва бо медалҳои биринҷӣ сарфароз мегардад. Бозигари «Равшан» Шодӣ Муродов, ки 46 тӯб задааст, беҳтарин нишонзани мусобиқот гардид.

Мавқеи дастаҳо дар ҷадвали ҷамъбастии лигаи касбии футзали Тоҷикистон дар мавсими соли 2017:

1. «ДИСИ Инвест» (Душанбе) – 78 имтиёз, тӯбҳо 258-69
2. «Сипар» (Хуҷанд) – 65 имтиёз, тӯбҳо 190-78
3. «Равшан» (Кӯлоб) – 55 имтиёз, тӯбҳо 178-97
4. «Соро компания» (Душанбе) – 55 имтиёз, тӯбҳо 181-82
5. «Садовая» (Истаравшан) – 36 имтиёз, тӯбҳо 189-176
6. «Сино» (Душанбе) – 22 имтиёз, тӯбҳо 125-236
7. «Самандар» (Турсунзода) – 19 имтиёз, тӯбҳо 106-207
8. «Алоқа» (Душанбе) – 3 имтиёз, тӯбҳо 61-343

Нишонзанҳо: Шодӣ Муродов («Равшан») – 46 тӯб, Баҳодур Хоҷаев («Садовая») – 44 тӯб, Беҳрӯз Сангинов («Садовая») – 43 тӯб.

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG