Пайвандҳои дастрасӣ

Қурбонгулӣ Бердимуҳаммадов, президенти Туркманистон, ба мураббиён, ғолибону ҷоизадорони Бозиҳои панҷуми осиёӣ дар иншооти сарпӯшида ва ҳунарҳои размӣ тӯҳфаҳои қиматбаҳо тақдим намуд. Дар навбати худ варзишгарони туркман ба сарвари давлат дучарха ё велосипеди тиллоӣ эҳдо карданд. Дар ин бора пойгоҳи хабарии «Открытая Азия онлайн» иттилоъ додааст.

Ба иттилои ин манбаъ, президенти Туркманистон гуфтааст, ки ин тӯҳфаи гаронбаҳо ба осорхона супурда мешавад.

Дар Бозиҳои панҷуми осиёӣ дар иншооти сарпӯшида ва ҳунарҳои размӣ, ки аз 17 то 27 сентябр дар Ишқобод баргузор шуд, варзишгарони туркман 245 медал – 89 тилло, 70 нуқра ва 86 биринҷӣ – гирифтанд.

Аз номи президент ба варзишгароне, ки дар бозиҳои "Ашхобод-2017" барандагони медалҳои тилло шуданд, автомашинаи Toyota Camry GL Executive тақдим шуд. Барандагони медалҳои нуқра бо 5000 доллар; ҷоизадорони биринҷӣ бо 3000 доллар; мураббиёни ғолибону ҷоизадорони бозиҳо бо автомошинаи Toyota Camry GL Executive сарфароз гаштанд.

Президенти Туркманистон ваъда кардааст, ба варзишгароне, ки бавижа хизмати шоён кардаанд, дар хонаҳои истиқоматии бароҳат ҳуҷраҳо тақдим мекунад.

Варзишгарони тоҷик дар Бозиҳои V осиёӣ дар иншооти сарпӯшида ва ҳунарҳои размӣ ҳамагӣ 51 медал (3 тилло, 14 нуқра ва 34 биринҷӣ) ба даст оварданд. Мунтахаби Тоҷикистон дар ҳисоби умумидастаӣ дар байни 62 кишвар дар ҷойи 17-ум қарор гирифт.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG