Дастаи “Истиқлол»-и Душанбе, қаҳрамони Тоҷикистон, барои бозии ҷавобии байниминтақавии Ҷоми AFC (Конфедератсияи футболи Осиё)-2017 бо тими «Серес Негрос» рӯзи 10-уми сентябр ба шаҳри Баколоди Филиппин расид.
«Истиқлол» дар бозии аввали даври ниманиҳоии байниминтақавии Ҷоми AFC–2017 «Серес Негрос»-ро бо ҳисоби бузурги 4:0 шикаст дод. Ин бозӣ 22-юми август дар Варзишгоҳи марказии шаҳри Ҳисор барпо гардид.
Бино ба иттилои вебсайти бошгоҳи футболи “Истиқлол”, даста, ки дар меҳмонхонаи “Тhe Sugarland Hotel” қарор дорад, шоми имрӯз, 10-уми сентябр, тамрин мекунад. Фардо, 11-уми сентябр, пеш аз бозӣ нишасти хабарӣ бо ҳузури сармураббиён ва якнафарӣ бозигарони ҳарду даста доир хоҳад шуд.
Бозии ҷавобии байниминтақавии Ҷоми AFC-2017 миёни дастаҳои«Серес Негрос» ва “Истиқлол” 12-уми сентябр дар Баколод, дар варзишгоҳи «Панаад Парк стедиум», соати 16:30 ба вақти Душанбе шуруъ мешавад.
Ҳайати “Истиқлол” дар бозӣ муқобили «Серес Негрос»:
Дарвозабонҳо: Никола Стошич, Қурбоналӣ Бобоев.
Ҳимоятгарон: Сиёвуш Асроров, Аҳтам Назаров, Табрези Давлатмир, Артём Барановский, АлександрСтесенко,Амирбек Ҷӯрабоев.
Нимҳимоятгарон: Фатҳулло Фатҳуллоев, Ромиш Ҷалилов, Ҷаҳонгир Алиев, Дэвид Мавутор, Муҳаммадҷони Ҳасан, Эҳсони Панҷшанбе, Шаҳром Сулаймонов.
Ҳамлагарон: Манучеҳр Ҷалилов, Дилшод Восиев, Дмитрий Барков.
Сармураббӣ: Мӯҳсин Муҳаммадиев.
Ёдовар мешавем, «Истиқлол» дар бозии аввали даври ниманиҳоии байниминтақавии Ҷоми AFC–2017 «Серес Негрос»-ро бо ҳисоби бузурги 4:0 шикаст дод. Ин бозӣ 22-юми август дар Варзишгоҳи марказии шаҳри Ҳисор барпо гардид.
Ду гол дар нимаи аввал ва ду голи дигар дар нимаи дувуми дидор зада шуд. Ҳисобро Аҳтам Назаров дар дақиқаи 25-ум аз ҷаримаи 11-метрӣ боз кард. Голи дувумро Ромиш Ҷалилов дар дақиқаи охирини нимаи аввали бозӣ ба ҳадаф расонд. Дар нимаи дувуми бозӣ, дар дақиқаи 67-ум, Манучеҳр Ҷалилов голи севумро ба тӯри дарвозаи меҳмонон зад. Голи чаҳорум ва ниҳоӣ низ ба Манучеҳр Ҷалилов марбут аст. Ӯ тӯбро дар дақиқаи 88-ум ба самар расонд.
Ғолиби ин ҷуфт ба даври баъдии Ҷоми AFC роҳ ёфта, дар финали байниминтақавӣ бо ғолиби ҷуфти «Бенгалуру» (Ҳиндустон) – «25 апрел» (Кореяи Шимолӣ) рақобат мекунад. Бозиҳои ниҳоии байниминтақавӣ 27-уми сентябр ва 18-уми октябр баргузор мешаванд.
Дар бозиҳои ниҳоии минтақаи Ғарбӣ 12-ум ва 26-уми сентябр «Ал-Ваҳда»-и Сурия ва «Эйр-Форс»-и Ироқ рӯбарӯ хоҳанд шуд. Бозии ниҳоии Ҷоми AFC-2017 рӯзи 4-уми ноябр барпо мегардад. Агар «Истиқлол» ба финал барояд, онгоҳ бозии ҳалкунандаи мусобиқаи бошгоҳии моҳиятан дувуми Осиё дар Тоҷикистон баргузор мешавад.
Ҷоми AFC-2017
Бозиҳои ниманиҳоии байниминтақавӣ
Бозиҳои аввал
22 август (сешанбе)
«Истиқлол» (Тоҷикистон) – «Серес Негрос» (Филиппин) – 4:0
23 август (чоршанбе)
«Бенгалуру» (Ҳиндустон) – «25 апрел» (Кореяи Шимолӣ) – 3:0
Бозиҳои ҷавобӣ
12 сентябр (сешанбе)
«Серес Негрос» (Филиппин) – «Истиқлол» (Тоҷикистон)
13 сентябр (чоршанбе)
«25 апрел» (Кореяи Шимолӣ) – «Бенгалуру» (Ҳиндустон)
Финали байниминтақавӣ
Бозии аввал
27 сентябр (чоршанбе)
Ғолиби ҷуфти «Истиқлол» (Тоҷикистон) /«Серес» (Филиппин) – Ғолиби ҷуфти «Бенгалуру» (Ҳиндустон)/«25 апрел» (Кореяи Шимолӣ)
Бозии ҷавобӣ
18 октябр (чоршанбе)
Ғолиби ҷуфти «Бенгалуру» (Ҳиндустон)/«25 апрел» (Кореяи Шимолӣ) - Ғолиби ҷуфти «Истиқлол» (Тоҷикистон) /«Серес» (Филиппин)
Минтақаи ғарбӣ. Финал
Бозии аввал
12 сентябр (сешанбе)
«Эйр Форс» (Ироқ) – «Ал-Ваҳда» (Сурия)
Бозии ҷавобӣ
26 сентябр (сешанбе)
«Ал-Ваҳда» (Сурия) – «Эйр Форс» (Ироқ)
ФИНАЛ
4 ноябр (шанбе)
Ғолиби байниминтақавӣ – Ғолиби ҷуфти «Эйр Форс» (Ироқ)/«Ал-Ваҳда» (Сурия)
