Пайвандҳои дастрасӣ

Дар остонаи Бозиҳои осиёӣ сагу гурбаҳои Ашқобод ҳам соҳиби ҷой шуданд


Дар Туркманистон дар арафаи Бозиҳои осиёӣ барои гурба ва сагҳои бесоҳиб нахустин паноҳгоҳи расмӣ таъсис ёфт. Ин паноҳгоҳ аз тарафи сокинони маҳаллӣ дар наздикии шаҳри Ишқобод ташкил шудааст.

Ба иттилои расонаи "Нейтралный Туркменистан", паноҳгоҳ аз давлат кумак дарёфт карда, мақомот ҳамчунин ваъда додаанд, ки барои тавсеаи он замин ҷудо хоҳанд кард. Дар ҳоли ҳозир, дар он ҳудуди 100 саг ва 50 гурба нигаҳдорӣ мешавад.

Ин паноҳгоҳ баъди он таъсис ёфт, ки ҳомиёни ҳуқуқи ҷонварон маъракаи мақомоти Ишқободро барои маҳви сагу гурбаҳои бесоҳиб дар арафаи Бозиҳои осиёӣ сахт маҳкум карданд. Туркманистон ба 5-умин Бозиҳои осиёӣ, ки аз 17 то 27 сентябри соли равон дар пойтахти ин кишвар баргузор хоҳанд шуд, омодагии ҷиддӣ мебинад.

Мақомоти туркман ҳатто фурӯши нӯшокиҳои спиртиро то анҷоми бозиҳо манъ карда, аз маҳбусони пешин талаб намуданд, ки ба маҳалли баргузории чорабиниҳо наздик нашаванд. Кӯча ва хиёбонҳои Ишқобод ҳам аз талбандаҳо "пок" карда шуданд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG