Дастаи «Саройкамар»-и ноҳияи Панҷ, ки дар даври севуми мусобиқаи лигаи аввали футболи Тоҷикистон дар меҳмонӣ тими «Кӯктош»-ноҳияи Рӯдакиро бо ҳисоби 2:0 шикаст дод, дар ҷадвал бо нӯҳ имтиёз пешсафи ягона шуд. Голҳоро Соҳиб Ваҳҳобов ва Анварҷон Авазов ба самар расонданд.
Бозиҳои даври чаҳорум рӯзҳои 12-13 май баргузор мешаванд.
«Локомотив-Помир», ки аз ҳисоби бозигарони дастаи мунтахаби наврасони Тоҷикистон (U-16) таркиб ёфтааст, дар мавсими имсола аввалин пирӯзӣ ба даст овард. Футболбозони наврас дар шаҳри Кӯлоб дастаи «Равшан»-ро бо ҳисоби 3:2 мағлуб карданд. Ислом Зоиров, Ҷонибек Шарифов ва Эмомалии Аҳмадҷон ба «Локомотив» се имтиёз оварданд.
Дастаи «Маҳаллаи 83»-и Душанбе баъди ду пирӯзӣ дар даври севум аз тими мизбон - «Ваҳдат»-и шаҳри Ваҳдат бо ҳисоби 0:2 шикаст хӯрд. Голҳои мизбононро Музаффар Фузайлов ва Фирӯз Бобиев заданд.
«Эсхата»- Хуҷанд дар меҳмонӣ бар «Парвоз»-и Бобоҷон Ғафуров бо ҳисоби 1:0 ғолиб омад. Голи Ҷӯрабой Исоев дар дақиқаи19-ум ба меҳмонон пирӯзӣ овард.
Боз ду бозии даври севум миёни дастаҳои «Зарафшон» (Панҷакент) – «Зарбдор» (Исфара) ва «Ҳулбук» (Восеъ) – «Сомон» (Данғара) – бидуни гол хотима ёфтанд.
Дар бозиҳои даври чорум, ки рӯзҳои 12-13 май баргузор мешаванд, дастаҳои зерин бо ҳам рақобат мекунанд: «Зарбдор» – «Ваҳдат», «Локомотив-Помир» – «Зарафшон», «Кӯктош» – «Равшан», «Саройкамар» – «Сомон», «Эсхата» – «Ҳулбук»,«Маҳаллаи 83» – «Парвоз».
Мусобиқаи лигаи аввали футболи Тоҷикистон. Даври 3-юм
«Кӯктош» – «Саройкамар» – 0:2
Голҳо: Соҳиб Ваҳҳобов, 3 (0:1). Анварҷон Авазов, 72 – аз пеналтӣ (0:2).
28 апрел. Рӯдакӣ. Варзишгоҳи«Нефтяник». 1500 тамошобин.
«Равшан» – «Локомотив-Помир» – 2:3
Голҳо: Далер Чолов, 8 – аз пеналтӣ (1:0). Ислом Зоиров, 19 (1:1). Ҷонибек Шарифов, 31 (1:2). Эмомалии Аҳмадҷон, 65 (1:3). Аваз Қамчинов, 88 (2:3).
28 апрел. Кӯлоб. Варзишгоҳи марказӣ. 500 тамошобин.
«Зарафшон» – «Зарбдор» – 0:0
28 апрел. Панҷакент. Варзишгоҳи марказӣ. 2500 тамошобин.
«Ваҳдат» – «Маҳаллаи 83» – 2:0
Голҳо: Музаффар Фузайлов, 78 (1:0). Фирӯз Бобиев, 87 (2:0).
29 апрел. Ваҳдат. Варзишгоҳи марказӣ. 2500 тамошобин.
«Парвоз» – «Эсхата» – 0:1
Гол: Ҷӯрабой Исоев, 19.
29 апрел. Бобоҷон Ғафуров. Варзишгоҳи «Фурудгох». 200 тамошобин.
«Ҳулбук» – «Сомон» – 0:0
29 апрел. Восеъ. Варзишгоҳи марказӣ. 2000 тамошобин.
Даври 4-ум
12 май (ҷумъа)
Оғози бозиҳо – соати 16:30
«Зарбдор» – «Ваҳдат»
«Локомотив-Помир» – «Зарафшон»
«Кӯктош» – «Равшан»
13 май (шанбе)
Оғози бозиҳо – соати 16:30
«Саройкамар» – «Сомон»
«Эсхата» – «Ҳулбук»
«Маҳаллаи 83» – «Парвоз»
