Бозиҳои даври аввали марҳилаи ниҳоии Ҷоми Федератсияи футболи Тоҷикистон (ФФТ) дар майдони эҳтиётии Варзишгоҳи марказии Душанбе рӯзҳои 13-14 феврал баргузор шуданд.
Дастаҳо дар ду гурӯҳ рақобат доранд. Ба гурӯҳи «А» дастаҳои «Ҳосилот» (Фархор), «Кӯктош» (Рӯдакӣ), «Равшан» (Кӯлоб) ва «Хуҷанд» (Хуҷанд), ба гурӯҳи «Б» «Регар-ТадАЗ» (Турсунзода), «Истиқлол» (Душанбе), «Ҳулбук» (Восеъ) ва «Ашт» (Ашт) дохиланд.
Нахустин бозии марҳилаи ниҳоӣ дар гурӯҳи “А” миёни дастаҳои «Равшан» ва «Ҳосилот» бо ҳисоби мусовии 1:1 поён ёфт. Ба голи нимҳимоятгари «Равшан» Зокир Абдулхайров бозигари фархориҳо Ҳасан Рустамов ба гол посух дод.
Дар бозии дигари ин гурӯҳ дастаи лигаи аввал «Кӯктош» тими лигаи олӣ «Хуҷанд»-ро бо ҳисоби 1:0 шикаст дод. Голи ягонаро легионери африқоии «Кӯктош» Мисиам Иносент аз Гана дар дақиқаи 85-уми дидор ба самар расонд.
Рӯзи сешанбеи 14-уми феврал ду бозӣ дар гурӯҳи «Б» баргузор шуд. Нахуст дастаи «Регар-ТадАЗ» тими «Ашт»-ро бо ҳисоби 6:2 мағлуб кард. Баъдан дастаи «Истиқлол» ба дарвозаи «Ҳулбук» 11 голи беҷавоб зад.
Имрӯз, 15 феврал, ду бозии даври дувуми Ҷоми ФФТ дар гурӯҳи “А” барпо мегардад. Соати 12:30 бозӣ миёни дастаҳои «Равшан» ва «Кӯктош» баргузор мешавад. Сипас соати 15:00 тимҳои «Хуҷанд» ва «Ҳосилот» рақобат мекунанд.
Бар асоси низомномаи мусобиқа ду дастаи беҳтарин аз ҳар гурӯҳ муборизаро барои Ҷоми ФФТ ва медалҳо идома медиҳанд.
Ҷоми ФФТ-2017. Марҳилаи ниҳоӣ
Гурӯҳи «А». Даври 1-ум
13 феврал (душанбе)
«Равшан» – «Ҳосилот» – 1:1
Голҳо: Зокир Абдулхайров, 52 (1:0). Ҳасан Рустамов, 57 (1:1).
«Хуҷанд» – «Кӯктош» – 0:1
Гол: Мисиам Иносент, 85.
Гурӯҳи «Б». Даври 1-ум
14 феврал (сешанбе)
«Регар-ТадАЗ» – «Ашт» – 6:2
Голҳо: Ҳикматулло Расулов, 12 (1:0). Баҳодур Абдуғаниев, 22 – ба дарвозаи худ (2:0). Евгений Хотимский, 44 (3:0). Фирӯз Қараев, 51 (4:0). Дилмурод Донаев, 65 (4:1). Достон Абдуллоев, 70 (4:2). Азиз Мансуров, 80 (5:2). Комрон Турсунов, 89 (6:2).
«Истиқлол» – «Ҳулбук» – 11:0
Голҳо: Фатҳулло Фатҳуллоев, 22 (1:0). Ҷаҳонгир Эргашев, 27 (2:0). Ҷаҳонгир Алиев, 28 (3:0). Дмитрий Барков, 34 (4:0). Ҷаҳонгир Эргашев, 44 (5:0). Фатҳулло Фатҳуллоев , 45+1 (6:0). Нуриддин Давронов, 62 (7:0). Ромиш Ҷалилов, 80 (8:0). Дилшод Восиев, 89 (9:0). Фаридун Шарифов, 90+1 (10:0). Дилшод Восиев, 90+2 (11:0).
Даври 2-юм
Гурӯҳи «А»
15 феврал (чоршанбе)
12:30 – «Равшан» – «Кӯктош»
15:00 – «Хуҷанд» – «Ҳосилот»
Гурӯҳи «Б»
16 феврал (панҷшанбе)
14:30 – «Регар-ТадАЗ» – «Ҳулбук»
17:00 – «Истиқлол» – «Ашт»
Даври 3-юм
Гурӯҳи «А»
17 феврал (ҷумъа)
12:30 – «Равшан» – «Хуҷанд»
15:00 – «Кӯктош» – «Ҳосилот»
Гурӯҳи «Б»
18 феврал (шанбе)
14:30 – «Ҳулбук» – «Ашт»
17:00 – «Регар-ТадАЗ» – «Истиқлол»
Бозиҳои ниманиҳоӣ
20 феврал (душанбе)
1 «А» – 2 «Б»
1 «Б» – 2 «А»
22 феврал (чоршанбе)
Бозӣ барои ҷойи севум
Бозии ниҳоӣ
Бояд гуфт, ки Ҷоми ФФТ барои шашумин бор баргузор мешавад. “Истиқлол”-и Душанбе ва “Регар-ТадАЗ”-и Турсунзода дуборӣ ва “Хайр”-и Ваҳдат як бор Ҷоми ФФТ-ро ба даст овардаанд.
Соли гузашта дастаи «Регар-ТадАЗ» Ҷоми Федератсияи футболи Тоҷикистонро ба даст овард. Футболбозони шаҳри Турсунзода дар бозии ниҳоии Ҷоми ФФТ-2016, ки 11-уми март дар Варзишгоҳи марказии Душанбе доир шуд, дастаи “Хуҷанд”-и Хуҷандро бо ҳисоби 1:0 шикаст дод. Голи ягонаву ҳалкунандаро Ромиш Ҷалилов дар нимаи аввали дидор, дар дақиқаи 25-ум, ба ҳадаф расонд.
Натоиҷи ҳамаи бозиҳои ниҳоии Ҷоми ФФТ (2012-2016):
2012 – «Регар-ТадАЗ» (Турсунзода) – «Хайр» (Ваҳдат) – 1:0
2013 – «Хайр» (Ваҳдат) – ССКА «Помир» (Душанбе) – 1:1. Аз рӯи пеналтӣ – 6:5
2014 – «Истиқлол» (Душанбе) – «Хайр» (Ваҳдат) – 2:0
2015 – «Истиқлол» (Душанбе) – «Хайр» (Ваҳдат) – 5:1
2016 – «Регар-ТадАЗ» (Турсунзода) – «Хуҷанд» (Хуҷанд) – 1:0
