Пайвандҳои дастрасӣ

Хабари нав

Шикасти “Истиқлол” аз “Интер” дар Туркия


Дастаи «Истиқлол»-и Душанбе, қаҳрамони футболи Тоҷикистон, ки дар доираи ҷамъомади таълимиву тамриниаш дар шаҳри Анталияи Туркия рӯзи 19-уми январ дар аввалин бозии санҷишӣ аз тими «Интер»-и Бокуи Озарбойҷон бо ҳисоби 1:2 мағлуб шуд.

Дастаи «Истиқлол»-и Душанбе, қаҳрамони футболи Тоҷикистон, ки дар доираи ҷамъомади таълимиву тамриниаш дар шаҳри Анталияи Туркия рӯзи 19-уми январ дар аввалин бозии санҷишӣ аз тими «Интер»-и Бокуи Озарбойҷон бо ҳисоби 1:2 мағлуб шуд.

Ба иттилои Рустам Ҳакимов, сухангӯи бошгоҳи футболи “Истиқлол”, ҳарсе гол дар нимаи дувуми дидор зада шуд. Ҳисобро дар дақиқаи 52-юм капитани «Истиқлол» Фатҳулло Фатҳуллоев боз кард. Вале баъди чор дақиқа Мирҳусейн Саидов, бозигари “Интер”, ҳисобро баробар намуд. Голи дувум ва ҳалкунандаи озарбойҷониҳоро дар дақиқаи 77-ум легионери эронии «Интер» Озод Пардис ба самар расонд.

Ҳамин тариқ, «Истиқлол» дар аввалин бозии санҷишиаш дар Туркия бо ҳисоби 1:2 шикаст хӯрд.

Бозии дувуми санҷишии «Истиқлол» дар Туркия рӯзи душанбеи 23-юми январ бо бошгоҳи «Қайсар»-и Қазоқистон баргузор мешавад.

Бозии санҷишӣ

«Истиқлол» (Душанбе, Тоҷикистон) – «Интер» (Боку, Озарбойҷон) – 1:2

Голҳо: Фатҳулло Фатҳуллоев, 54 (1:0). Мирҳусейн Саидов, 56 (1:1). Озод Пардис, 77 (1:2).

«Истиқлол» (Тоҷикистон): Никола Стошич, Дилшод Восиев, Соҳиб Саванкулов, Дэвид Мавутор (Сиёвуш Асроров, 78), Аҳтам Назаров, Фатҳулло Фатҳуллоев (Табрези Давлатмир, 75), Фаридун Шарифов, Ромиш Ҷалилов, Амирбек Ҷӯрабоев, Манучеҳр Ҷалилов, Дмитрий Барков.

Огоҳонида шуданд: Дилшод Восиев («Истиқлол»), Адриан Скарлатаке («Интер»).

Сардовар: Владимир Акодис (Украина).

19 январ. Белек (Туркия). Тамрингоҳи маҷмааи варзишии «Кая Палатсо».

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG