Пайвандҳои дастрасӣ

Хабари нав

Коромӯзии занони футболбози тоҷик дар ИМА


Ҳайати намояндагии мунтахаби занонаи футболи Тоҷикистон ин рӯзҳо дар ИМА қарор дорад. Дар ин бора ба “Озодӣ” рӯзи 13-уми декабр аз дафтари матбуоти Федератсияи футболи Тоҷикистон (ФФТ) хабар доданд. Ба иттилои ин манбаъ, ба ҳайати намояндагии мунтахаби занонаи футболи Тоҷикистон сардори шуъбаи футболи занонаи ФФТ Дилором Нусратуллоева раҳбарӣ мекунад.

Дар доираи барномаи ин сафар аъзои ҳайати намояндагии мунтахаби занонаи футболи Тоҷикистон дар ИМА бо ҳамкасбони амрикоии худ мулоқот намуда, масоили марбут ба рушди футболи занонаро баррасӣ мекунанд.

Инчунин бонувони футболбози тоҷик имконият пайдо менамоянд, ки бо занони варзишгари амрикоӣ ва дастаҳои онҳо дар шаҳрҳо ва иёлатҳои мухталифи ИМА ошно шаванд.

Ҳайати намояндагии мунтахаби занонаи футболи Тоҷикистон, ҳамчунин дар ҷараёни сафари даҳрӯза ба ИМА аз варзишгоҳҳо, мактабҳои варзишӣ ва донишгоҳҳо дидан карда, бозиҳои мусобиқоти қаҳрамонии ин кишварро тамошо хоҳанд кард.

Шарҳҳо

Шарҳи нав расид
Идома
XS
SM
MD
LG